Монгол  Улсын  Засгийн  газрын  2018  оны  02  дугаар  сарын  06-ны  өдрийн  46 дугаар тогтоолоор “Оюутны хөгжлийн зээл”-ийг Боловсролын зээлийн сангаар дамжуулан олгохоор шийдвэрлэн дээд боловсролын сургалтын байгуулагад суралцагчдад зээлийг 2018 оны 5 дугаар сарын 1-ний өдрөөс эхлэн олгохоор тусгасан. Засгийн газрын үйл ажиллагааны хөтөлбөрт тусгасан “оюутан, суралцагчдад үндэсний тэтгэлэг, зээл, буцалтгүй тусламжийн үйлчилгээг үзүүлэх тогтолцоог ил тод, нээлттэй болгож, хүртээмжийг нэмэгдүүлэх, оюутан, суралцагчдыг сургалтын төлбөрийн дарамтгүй болгох” гэсэн зорилт бүрэн хэрэгжиж байна. Зээлд хамрагдсан оюутнууд сургуулиа төгсөөд ажилтай, орлоготой болсныхоо дараа зээлээ эргэн төлөх юм байна.