Хөдөө аж ахуйн их сургууль

хөдөө аж ахуйн их сургууль mongolian university of life sciences

Ардын уран зохиолчид оюутнуудтай уулзав

Нийтлэгч : С.Erdene-ochir

Огноо: 2014-10-02 10:26:38

Ардын уран зохиолчид оюутнуудтай уулзав

ХААИС-ийн хөдөө аж ахуйн төв номын сангаас “Номын баяр”-ын өдрийг 3 дахь жилдээ тэмдэглэн өнгөрүүллээ. Энэ жилийн номын баярын арга хэмжээг “Аз хур” номын дэлгүүртэй хамтран зохион байгуулсан бөгөөд номын сангийн гаднах талбайд “Аз хур” номын дэлгүүрийн номын худалдаа, ХАА-н төв номын сангийн 2013-2014 оны хичээлийн жилд фондоо баяжуулсан шинэ ном, сэтгүүлийн үзэсгэлэн гарлаа.

Уншлагын 2-р танхимд “Тэргүүний уншигч” шалгаруулах арга хэмжээ, яруу найрагч-уншигчдын хооронд чөлөөт уулзалт-ярилцлага зохион байгуулж явууллаа. Уулзалтанд Төрийн шагналт, Ардын уран зохиолч Ш. Сүрэнжав, Ардын уран зохиолч Д. Цоодол нар уригдан оролцож уран бүтээлийнхээ дээжээс уншиж, уран бүтээлийн анхны гараа болон дурсамжаасаа хуваалцлаа. Энэ үеэр яруу найрагч Ш. Сүрэнжав хамгийн сүүлд хэвлүүлсэн “Жараад оны яруу туульс” номоо тус их сургуулийн номын санд бэлэглэв.

Номын сангийн 2013-2014 оны хичээлийн жилийн “Тэргүүний уншигч”-аар фонд, уншлагын танхим тус бүрээс нийт 8 оюутан шалгаруулав. МАА-Биотехнологийн Сургуулийн МААФ-4 курсын оюутан Н. Өлзийжаргал, Агро Экологийн Сургуулийн БАЖ 4-р курсын оюутан Б. Соёлмаа, Мал Эмнэлгийн Сургуулийн Малын их эмчийн 2-р курсын оюутан Б. Жамъяндорж, Агро Экологийн Сургуулийн Агрономын 2-р курсын оюутан Ж. Булганхангай, Мал Эмнэлгийн Сургуулийн Мал Эмнэл Зүйн 4-р курсын оюутан Б. Бат-Эрдэнэ, Инженер Технологийн Сургуулийн Инженер багшийн 4-р курсын оюутан С. Давааням, Инженер Технологийн Сургуулийн Магистрант Э. Эрдэнэбат, Мал Аж Ахуй-Биотехнологийн Сургуулийн Мал Аж Ахуйн Тэнхимийн багш Г. Самбуу нар “Тэргүүний уншигч”-аар шалгарлаа. Арга хэмжээний төгсгөлд оюутнуудын дунд “Би чадна” хөгжөөнт тоглоом тоглуулав.