Хөдөө аж ахуйн их сургууль

хөдөө аж ахуйн их сургууль mongolian university of life sciences

Оюутны чөлөөт цагийн 4D хөтөлбөр

Нийтлэгч : С.Erdene-ochir

Огноо: 2014-11-04 09:04:44

Оюутны чөлөөт цагийн 4D хөтөлбөр

(Dream Drama-Dramatic Discussion)

Хөдөө аж ахуйн их сургууль, Улсын драмын эрдмийн театртай байгуулсан хамтран ажиллах гэрээний хүрээнд Суурь боловсролын төвийн Нийгмийн ухааны тэнхимээс оюутны чөлөөт цагийн “4D” хөтөлбөрийг хэрэгжүүлэх гэж байна.

Хөтөлбөрийн зорилго нь оюутны чөлөөт цагийг зөв боловсон өнгөрүүлэх, урлагийн бүтээлээр дамжуулан эх түүхийн мэдлэгээ бататгаж, тусгаар тогтнолын үнэ цэнийг ухааран, эх оронч үндэсний зөв үзэлтэй иргэн төлөвшүүлэхэд чиглэгдэнэ.

Хөтөлбөрт Хөдөө аж ахуйн их сургуулийн бүх оюутан залуус төдийгүй Монголын түүхийн хичээлийг судалж буй оюутнууд, эрдэмтэн багш нар өөрийн хүсэлтээр хамрагдах боломжтой.

С.Цогнэмэхийн “Тэнгэрийн хүү”жүжгээр Монгол төрийн төлөөх урсгасан цус, дуслуулсан хөлс, эрсэдсэн амь насны үнэ цэнийг уран сайхны хэлээр хэрхэн өгүүлсэнийг үзэхээс гадна УДЭТ-ын үйл ажиллагатай танилцаж гол ба туслах дүрийн зарим жүжигчид, найруулагчидтай уулзалт хийн, хамт зураг авахуулна. Мөн түүхэн жүжгийн үйл явдлаар хэлэлцүүлэг зохион байгуулах юм.

Хоёр байгууллагын хамтын ажиллагааны гэрээний дагуу Хөдөө аж ахуйн их сургуулийн оюутнууд 60% -ийн хөнгөлөттэй үнээр буюу 8000 төгрөгөөр үзнэ.

Хөтөлбөрийн хүрээнд дараах үйл ажиллагаа зохион байгуулна.

№	Үйл ажиллагаа	Хаана, хэзээ
1	Жүжиг үзэх	Оюутнууд хуваарийн дагуу 2014 оны 11 сарын 21-ний 18 цагт УДЭТ-т “Тэнгэрийн хүү” жүжиг үзнэ.
2	Уулзалт	Жүжгийн найруулагч, гол дүрийн жүжигчидтэй уулзалт хийнэ.
3	“Тэнгэрийн хүү ” жүжгийн хэлэлцүүлэг	Сонирхсон оюутнуудын дунд хэлэлцүүлэг 2014 оны 11 дүгээр сарын 24-ний 17 цагт ХААИС-ийн Хатан туул театрт болно.
4	Фото тайлан	Жүжиг болон хэлэлцүүлгийн үеийн гэрэл зургаар фото мэдээлэл хийж, үйл ажиллагааг сурталчилна.