Улсын их хурлын гишүүд ХААИС-д зочлов

Улсын их хурлын гишүүн Лу.Болд, Улсын гишүүн, ХААИС-ийн удирдах зөвлөлийн дарга А.Бакей нар 4 дүгээр сарын 11-нд ХААИС-д зочилж, их сургуулийн сургалт, судалгааны орчин, сүүлийн үед хэрэгжүүлсэн зарим ажлын үр дүнтэй танилцав.

Тэд судалгааны их сургууль болох зорилтоо хэрэгжүүлэхийн тулд лабораторийн орчин нөхцөлөө сайжруулж байгаад талархаж байгаагаа илэрхийлээд гарын бэлэг гардуулсан юм.

Мөн сургуулийн туршилт, судалгааны ажлын үр өгөөжийг нэмэгдүүлэх, гадаад түүний дотор Европын холбооны орнуудын их сургуулиудтай хамтын ажиллагааг өргөжүүлэх, экологижсон, тогтвортой хөдөө аж ахуйг хөгжүүлэхэд дэмжлэг үзүүлж хамтарч ажиллахаа илэрхийллээ.