Олон улсын чуулга уулзалтад оролцох оюутныг сонгон шалгаруулав

Япон улсын Токиогийн ХААИС-иас жил бүр зохион байгуулдаг олон улсын оюутны ээлжит XV чуулга уулзалтад сургуулиа төлөөлөн оролцох оюутныг 4-р сарын 13-нд сонгон шалгарууллаа. Шалгаруулалтад 12 оюутан бүртгүүлж, илтгэлээ хэлэлцүүлснээс ЭЗБС-ийн Бизнесийн эдийн засгийн 3-р курсийн оюутан Б.Должин 63 оноогоор тэргүүлж, тус чуулганы төлөөлөгчөөр шалгарсан бол Бизнесийн удирдлагын 2-р ангийн оюутан Э.Нандин-Эрдэнэ 57 оноогоор удаалж, хувийн зардлаар оролцох боломжтой боллоо.

“Өөрчлөлтөд дасан зохицоход Монгол улсын чадавхийг бүрдүүлэх болон дэлхий нийтийн тулгамдсан асуудалд анхаарал хандуулахад шаардлагатай шинэлэг аргуудыг нэвтрүүлэхэд оюутан бидний оролцоо” сэдвээр оюутнуудын бэлтгэсэн илтгэлийг англи хэлээр илтгэх, асуултыг ойлгож, хариулах чадвар, агуулгын дагуу илтгэл бэлтгэсэн байдал зэрэг шалгуур үзүүлэлтээр үнэлсэн юм.

Шүүгчээр Эрдэм шинжилгээ эрхэлсэн дэд захирал, профессор Г.Гантулга, Захиргааны албаны дарга Ц.Сүхтулга, Гадаад хэлний төвийн багш, доктор О.Энхдэлгэр, ЭЗБС-ийн багш Т.Эрдэнэчулуун, өнгөрсөн жилийн хурлын оролцогч Э.Жамсранчой нар ажилалаа.

Япон улсын Токиогийн ХААИС-тай байгуулсан хамтын ажиллагааны хүрээнд манай сургуулиас жил бүр нэг оюутныг сонгон шалгаруулж тус чуулганд оролцуулдаг уламжлалтай. Чуулган өнгөрсөн жил Тайландын вант улсын Касецарт их сургууль дээр зохион байгуулагдсан бол энэ жил Токиогийн ХААИС-д 09-р сарын 26-аас 10-р сарын 04-нд болох юм.