“Дусал цус нэг амь” өдөрлөг болов

ХААИС-ийн Клубуудын нэгдсэн зөвлөл, Агроэкологийн сургуулийн Газрын үнэлгээний дөрөвдүгээр ангийн оюутнууд Цус сэлбэлт судлалын үндэсний төв, Хан-Уул дүүргийн Улаан Загалмайн хороотой хамтран “Дусал цус нэг амь” өдөрлөгийг зохион байгууллаа.

Олон нийтэд донорын үйлсийг сурталчлах зорилгоор гуравдугаар сарын 9,10,11-ний өдрүүдэд зохион байгуулсан тус өдөрлөгт 250 гаруй оюутан оролцлоо. Нэг хүний цус гурван хүний амь аврах боломжтой байдаг бөгөөд 750 гаруй хүнд туслах боломжтой юм. 

Энэ үеэр ХААИС-ийн багш, оюутны төлөөлөл болсон таван хүнд хүндэт донорын талархал гардуулав.