“Байгаль хамгаалал ба миний мэргэжил” илтгэлийн уралдаан

Биологич, ирвэс судлаач Т.Лхагвасүмбэрэл агсаны нэрэмжит “Байгаль хамгаалал ба миний мэргэжил” илтгэлийн уралдааныг Агроэкологийн Сургуулийн Экологийн тэнхимээс 3 сарын 7 өдөр амжилттай зохион байгууллаа.

Илтгэлийн уралдааны зорилго нь Байгаль хамгаалах үйлсэд амь нас, зүрх сэтгэлээ зориулан зүтгэсэн Т. Лхагвасүмбэрэлийн үйл хэргийг залуу үед таниулах, залгамжлуулах болон байгаль орчныг хамгаалах мэргэжилийг олон нийтэд сурталчлан таниулах, оюутнуудын хамтын ажиллагааг өргөжүүлэх, ирээдүйн мэргэжилтний сэтгэлгээг хөгжүүлэх, илтгэх ур чадварыг нэмэгдүүлэхэд тодорхой хувь нэмэр оруулахад оршино.

Энэ үеэр нийт 9 илтгэл хэлэлцэгдсэн бөгөөд 1 байранд Байгаль хамгаалал, экологийн 2 ангийн оюутан Б. Анхсахъяа, 2 байранд ойн аж ахуй инженерийн 1 ангийн оюутан Э. Бямбажав, 3 байранд Байгаль хамгаалал, экологийн 2 ангийн оюутан Н. Лхагва-Учрал, тусгай байранд Байгаль хамгаалал, экологийн 2 ангийн оюутан З. Очирданзан тус тус шалгарлаа.