Азийн аварга шалгаруулах тэмцээнээс мөнгөн медаль хүртлээ

Азийн гимнастикийн холбооны албан ёсны хөтөлбөртэйгээр зохион байгуулагдсан АЭРОБИК ГИМНАСТИКИЙН АЗИ ТИВИЙН АВАРГА ШАЛГАРУУЛАХ 5-р тэмцээн 2015 оны 12 сарын 09-14 хооронд Бүгд найрамдах социалист Вьетнам улсын Хошимен хотноо боллоо. 

Тэмцээнд Хятад, БНСУ, Япон, Тайланд, БНХАУ-ын Хонгонг, Иран, Вьетнам, Камбож, Монгол, урилгаар Австрали улсын баг тамирчид нийт 10 орны 250 гаруй тамирчид оролцлоо. 18-аас дээш насны ангиллын Аэробик бүжгийн /Dance aerobic/ төрөлд ҮБТДСургууль, ХААИС-ийн хамтарсан баг мөнгөн медаль хүртлээ. ХААИС-иас Инженер Технологийн сургуулийн Машин механизм ашиглалтын IV курсын оюутан Б. Хосбаатар тамирчнаар, Суурь боловсролын төвийн ББХТ-ийн ахлах багш ОУХМ, ОУ-ын Шүүгч Б.Оюун шүүгчээр тус тус Монгол Улсаа төлөөлөн оролцлоо. Б. Хосбаатар нь СБТ- ББХТ-ийн гимнастикийн багш Ц.Мөнх-Эрдэнийн удирдлаган дор 2011 оноос аэробик гимнастикийн төрлөөр тамирчны бэлтгэл сургуулилтаа хангаж энэхүү тэмцээнд оролцох эрхээ авсан билээ.