Франц улсын Дээд боловсрол, эрдэм шинжилгээний яамны дэд захирал зочлов

Франц улсын Дээд боловсрол, эрдэм шинжилгээний яамны Эрдэм шинжилгээний зөвлөх бөгөөд хамтын ажиллагаа эрхэлсэн дэд захирал Жан Люк Клемон, Элчин сайдын яамны соёл, хамтын ажиллагааны зөвлөх Жан Флоран Филтц нар ХААИС-д зочилж, /2016.05.05/ сургуулийн удирдлагатай уулзлаа. Тэд хоёр орны ХАА-н салбарт сургалт, эрдэм шинжилгээний чиглэлээр хамтран ажиллах боломжийн талаар ярилцлаа.

Ноён Жан Люк Клемон хэлэхдээ, Мэргэжлийн чиглэл, бүтэц ижил байгаа тохиолдолд оюутан солилцоог идэвхжүүлэх, эрдэм шинжилгээний чиглэлээр хамтран ажиллахад яамны зүгээс дэмжиж ажиллахаа илэрхийллээ. Оюутан солилцоход өмнө нь заавал франц хэлний мэдлэг шаарддаг байсан бол өдгөө анги хэлний зохих түвшний мэдлэгтэй бол ХАА-н чиглэлийн 100 гаруй сургалтад хамрагдах боломжтой гэлээ.