Инженер технологийн сургуулийг төгсөгчид төгсөлтийн баяраа тэмдэглэв

Өнөөдөр ХААИС-ийн Инженер технологийн сургуулийг төгсөгчид төгсөлтийн баяраа тэмдэглэж, энгэрийн тэмдэг, үнэмлэхээ гардан авлаа. Нээлтийн үеэр ХААИС-ийн ректор Т.Хэрүүга хэлсэн үгэндээ “Бурхан хүнийг бүтээж, бусдыг нь инженер бүтээдэг хэмээх сайхан үг бий. Энэ сайхан мэргэжлээр төгсөж буй Та бүхэнд баярын мэнд хүргэе. Мэргэжлээрээ амжилттай ажиллаж, ажил хайдаг биш баялаг бүтээдэг ажил олгогч болоорой” гэсэн юм. Тус сургуулийг энэ жил 9 мэргэжлээр 420 оюутан төгсөж байна.