“Миний мэргэжил-Монголын ирээдүй” мэргэжил сурталчлах уралдаанд оролцсон оюутнуудад батламж гардуулав

“Миний мэргэжил-Монголын ирээдүй” мэргэжил сурталчлах уралдаанд амжилттай оролцсон оюутнуудад Захиргааны албаны дарга Ц.Сүхтулга батламж гардууллаа. Суралцаж буй мэргэжлийнхээ онцлог, давуу тал, ирээдүйд үйлдвэрлэл эрхлэх, баялаг бүтээх боломж зэргийг тусгасан POST бэлтгэх уралдааныг 4-р сарын 10-25-ны хооронд зарласан билээ. 

Суралцагчид сонгосон мэргэжлээ хэрхэн тодорхойлдог хийгээд тэдний мэдээллээр дамжуулан ЕБС төгсөгчдөд ХААИС-иас бэлтгэдэг мэргэжлийг сурталчлах зорилготой тус уралдаанд 20 гаруй оюутан оролцож бүтээлээ ирүүлсэн юм. Бэлтгэсэн POST-оо өөрийнхөө FACEBOOK-т байршуулан олон хүнд хүргэж LIKE, SHARE хийгдсэн эсэхээр тус уралдааныг дүгнэсэн.

Уралдааны дүнгээр Агроэкологийн сургуулийн Байгалийн Аялал Жуулчлалын II ангийн оюутан Энхбаатар овогтой Дашбатын бэлтгэсэн POST 1200 LIKE, 192 SHARE, 143 COMMENT-оор I байр, ЭЗБС-ийн II ангийн оюутан Г.Түвшинжаргалын POST 888 LIKE, 415 SHARE, 79 COMMENT-ooр II байр, ЭЗБС-Менежментийн тэнхимийн II ангийн оюутан Ихбаяр овогтой Ангарагынх 675 LIKE, 411 SHARE, 53 COMMENT-ooр III байр  тус тус эзэллээ.