ХААИС-ийн Модон бөмбөгийн тамирчдад спортын цол зэрэг олгов

Монголын тамирчдын баяр Чингисийн талбайд 2016 оны 07 сарын 03 нд болж, үе үеийн шилдэг тамирчид, спортын зүтгэлтнүүд, олимпийн наадамд оролцох баг тамирчид, спортын байгууллагын удирдлагууд болон Монголын модон бөмбөгийн тамирчид медальтай жагсаалд оролцлоо. Баярын үеэр Модон бөмбөгийн Дэлхийн аварга шалгаруулах тэмцээн болон Солонгосын олон улсын тэмцээнээс хос болон, багийн төрлөөр нийтдээ 2 алт, 20 хүрэл медаль хүртэж, Монгол улсын спортын цол, зэргийн болзолыг биелүүлсэн тамирчдад спортын дэд мастер, спортын мастер, олон улсын хэмжээний мастерийн тэмдэг үнэмлэхийг гардуулав.

ОУХМастерийг “Шивээ-Овоо” ХК-ний, Хаялага спорт клубын тамирчин Б.Хишигжаргал, ХААИС-ийн тамирчин Б.Оюунтуяа, спортын мастерийг ХААИС-ийн багш Ж.Загас, Бага-нуур ХК-ны тамирчин Г.Төмөрбаатар, ХААИС-ийн тамирчин М.Сугарсүрэн, “Шивээ-Овоо” ХК-ний, Хаялага спорт клубын тамирчин Н.Долгорсүрэн, ДСЦТСүлжээ ХК-ны тамирчин Д.Отгонпүрэв, дэд мастерийг “Шивээ-Овоо” ХК-ний, Хаялага спорт клубын тамирчин Б.Мөнхзаяа, ХААИС-ийн тамирчин Х.Пүрэвжаргал, Э.Энх-Алдар нар хүртлээ.

МОНГОЛЫН МОДОН БӨМБӨГИЙН ХОЛБОО