“ШИНЭ ҮЕ ХӨДӨӨ АЖ АХУЙН ТОГТВОРТОЙ ХӨГЖИЛД”

ЭРДЭМ ШИНЖИЛГЭЭ, ОНОЛ ПРАКТИКИЙН

БАГА ХУРЛЫН УДИРДАМЖ

НЭГ. ЗОРИЛГО

Үндэсний тэргүүлэх судалгааны их сургууль болох зорилтын хүрээнд ХААИС-ийн бүрэлдэхүүний сургууль, харьяа хүрээлэнгийн залуу багш, судлаачид, эрдэм шинжилгээний ажилтнуудын эрдэм шинжилгээ, судалгааны ажлыг чанаржуулах, эрчимжүүлэх, эрдэм судлалын ажилд оролцох оролцоог нэмэгдүүлэх, хөдөө аж ахуйн хөгжлийн асуудлыг шийдвэрлэхэд залуу үеийн бүтээлч сэтгэлгээг хөгжүүлэх, хувь нэмэр, оролцоог нэмэгдүүлэхэд уг эрдэм шинжилгээ, онол практикийн бага хурлын зорилго оршино.

 ХОЕР. ХАМРАХ ХҮРЭЭ

ХААИС-ийн Шинжлэх ухааны зөвлөлөөс 2013 онд зохион байгуулсан “Хөдөө аж ахуй-хөгжлийн гарц” мөн Мал эмнэлгийн хүрээлэнгээс зохион байгуулсан “Шинэ үе-2013” эрдэм шинжилгээ, онол практикийн бага хурлыг нэгтгэн өргөжүүлж, “Шинжлэх ухааны ажилтны өдөр”-ийг тохиолдуулан бүрэлдэхүүн сургууль, харьяа хүрээлэнгүүдийн нийт 40 хүртэлх насны багш, судлаачид, эрдэм шинжилгээний ажилтнуудын дунд “Шинэ үе-хөдөө аж ахуйн тогтвортой хөгжилд” эрдэм шинжилгээ онол, практикийн хурлыг жил бүр уламжлал болгон зохион байгуулахаар тогтсон болно. 

ГУРАВ. ИЛТГЭЛИЙН СЭДЭВ

·         Мал аж ахуй, мал үржүүлэг;

·         Мал эмнэлэг;

·         ХАА-н биотехнологи;

·         Ургамал, газар тариалан, ургамал хамгаалал;

·         ХАА-н инженерчлэл;

·         ХАА-н эдийн засаг;

·         Газрын харилцаа;

·         ХАА дахь мэдээллийн технологи;

·         Хүнсний аюулгүй байдал;

·         Экологи, байгаль хамгаалал;

·         ХАА-н бүтээгдэхүүний үйлдвэрлэл;

ДӨРӨВ. БҮТЭЭЛД ТАВИГДАХ ШААРДЛАГА

ХАА-н шинжлэх ухааны салбарын өмнө тулгамдаж буй асуудал, шийдвэрлэх арга зам, технологи дамжуулалт, сайн туршлага зэрэг асуудлыг хөндсөн шинжлэх ухааны үндэслэлтэй судалгааны ажил байна.

Илтгэл дараах шаардлагуудыг хангасан байна. Үүнд:

• Шинжлэх ухааны үндэслэлтэй, шинэлэг санааг дэвшүүлсэн байх;
• Нийгмийн тулгамдаж  байгаа асуудалтай холбогдсон байх;
• Судалгааны  цар хүрээг оновчтой тодорхойлсон байх;
• Онол, практикийн өндөр ач холбогдолтой;
• Англи хэлээр бичигдсэн байх;

Жич: Уг бүтээл өөр эрдэм шинжилгээний хуралд оролцож шагнал аваагүй байх

ТАВ. ХҮЛЭЭН АВАХ ХУГАЦАА

Хуралд хэлэлцүүлэх илтгэлийн хураангуйг (Англи хэл дээр) электрон байдлаар 2016 оны 11 дүгээр сарын 04-ны өдрийн 10.00 цагийн дотор Шинжлэх ухааны зөвлөлд хүлээлгэн өгнө.

Жич: Хугацаа хоцорсон хураангуйг хүлээн авахгүй.

 ЗУРГАА. ШАЛГАРУУЛАЛТ

Эрдэм шинжилгээ, онол практикийн бага хурал 2016 оны 11 дүгээр сарын 15-ны өдөр ХААИС-ийн Эрдмийн зөвлөлийн танхимд болно.

Илтгэл тавих хугацаа 10 минут, асуулт хариултын хугацаа 5 минут байх ба бүтээлийг шүүгчдийн бүрэлдэхүүн доорх үзүүлэлтүүдээр оноогоор дүгнэн байр эзлүүлж шалгаруулна.

Илтгэл дүгнэх:

ДОЛОО. ШАГНАЛ 

• Тэргүүн байр             1          Өргөмжлөл,  мөнгөн шагнал /1 000 000 төгрөг/
• Тусгай шагнал           1          МЭХ-ийн нэрэмжит шагнал

Хэлэлцүүлсэн шилдэг бүтээлүүдийг “ХӨДӨӨ АЖ АХУЙН ШИНЖЛЭХ УХААН” сэтгүүлд хэвлүүлж, олны хүртээл болгоно.

Санаачлан зохион байгуулагчид:

ХАА-н Шинжлэх ухааны зөвлөлийн ажлын алба

Мал эмнэлгийн хүрээлэн

Лавлах утас: 341730, 70131930