"ХИМИ-АМЬДРАЛЫН ШИНЖЛЭХ УХААН" номын нээлт болов

"ХИМИ-АМЬДРАЛЫН ШИНЖЛЭХ УХААН" хэмээх дэлхийн түвшний сурах бичгийг ХААИС-ийн МААБТС-ийн эрдэмтэн багш нар эх хэлнээ хөрвүүлэн олны хүртээл болголоо. Тус номын нээлт /2016.10.17/ ХААИС-ийн Эрдмийн зөвлөлийн танхимд болов. Энэхүү сурах бичиг нь амьдралын шинжлэх ухааны сургуулийн оюутнуудад бие даан суралцахад зориулагдсан бөгөөд химийн үндсэн ухагдахууныг багтаасан бүтээл юм. Ийнхүү АНУ-д хоёр дахь удаагаа шинэчлэгдэн хэвлэгдсэн Суттан, Рокетт, Свиндел нарын бүтээлийг оюутан суралцагч нар  эх хэлээрээ уншиж, судлах боломжтой боллоо.   

Тус номын орчуулах эрхийг Азийн хөгжлийн банкны санхүүжилтээр БСШУСЯ-аас хэрэгжүүлж буй “Сургалт-эрдэм шинжилгээ-хөдөлмөрийн зах зээлийн уялдааг сайжруулах” төслийн дэмжлэгээр авсан бөгөөд КОРИА MONGOLIA CENTER  олон улсын байгууллага, МААБТС-ийн Бэлчээр тэжээллэг, химийн тэнхимийн хамт  олон  хэвлэлтийн зардлыг шийдсэн байна.