ОЮУТНЫ ХӨГЖЛИЙН ЗЭЭЛ

Оюутны хөгжлийн зээлээр дамжуулан сургалтын төлбөрийн зээлд хамрагдах боломжийг Засгийн газраас гаргаад байгаа. Өөрөөр хэлбэл, Сургалтын төрийн сан гэж байсныг өөрчлөн. Боловсролын зээлийн сан болгож, түүгээр дамжуулан оюутнуудад гурван төрлийн сургалтын зээлийг энэ жилээс олгохоор шийдвэрлэсэн юм.

Гэхдээ өнөөдрийн байдлаар энэхүү зээлийг арилжааны банкууд хараахан өгч эхлээгүй байна. Учир нь одоогоор арилжааны банкуудтай хэрхэн зөвшилцөж. ямар байдлаар зээлээ олгох вэ гэдэг дээр тохиролцож байгаа хэмээн Боловсрол, соёл, шинжлэх ухаан. спортын яамнаас /БСШУСЯ/ мэдээллээ. Гэхдээ энэ ондоо багтаж зээлийг эхлүүлэхээр ажиллаж байгаа аж. Оюутны хөгжлийн зээлийн хувьд жилийн таван хувийн хүүтэй гэдгээрээ онцлогтой.

БСШУС-ын сайд Ж.Батсуурийн мэдээлж буйгаар 2016-2017 оны хичээлийн жилд сургалтын төлбөрөө төлөх боломжгүй 74 мянган суралцагч. хоер болон түүнээс дээш хүүхэд нь зэрэг суралцаж байгаа өрхийн нэг хүүхдэд олгох сургалтын төлбөрийн буцалтгүй тусламжийг 1500 орчим оюутанд олгох тооцоо гаргажээ. Улсын хэмжээнд 164 мянган оюутан төрийн болон төрийн бус өмчийн их, дээд сургуульд суралцдагийн 125 мянга нь бакалаврын өдрийн ангид суралццаг гэх тооцоо гаргасан байна.

Оюутнууд гурван төрлийн зээлээс сонгож хамрагдах боломжтой.

1.   Хүү бууруулах /Цалин тэтгэврийн зээлийн дуусах хугацаатай тэнцүү/

2.           Богино хугацааны /12 сар хүртэл/

3.           Урт хугацааны /10 жил хүртэл/

Гурван төрлийн зээлд хамрагдах ерөнхий шаардлага:

1.  Магадлан итгэмжлэгдсэн их, дээд сургуульд зохих журмын дагуу элссэн батламжтай.

2.          2.0 голч дүнгээс дээш суралцдаг байх.

3.          Боловсролын нэгдсэн мэдээллийн санд бүртгэгдсэн байх.

4.  Үндсэн зээлдэгч нь оюутан, хамтран зээлдэгч нь оюутны гэр бүлийн гишүүн байх.

гурван төрөл бүрд нэмэлт шаардлага тавигдана. Хүүг бууруулах болон Богино хугацаатай зээлд хамрагдах шаардлага:

1.  Шинээр элссэн оюутны хувьд ерөнхий шалгалтын оноо 400 буюу түүнээс дээш, бусад
оюутны хувьд сурлагын голч дүн 2.0 болон түүнээс дээш байх.

2.   Сургуулийн сургалтын төлбөр төлсөн баримтын хуулбар /эх хувиар/
Урт хугацаатай зээлд хамрагдахад тавих нэмэлт шаардлага:

1.    Их дээд сургууль төгссөнөөс хойш 4-6 жил хүртэл хугацаанд эргэн төлөх.

2.           Зээлийн эргэн төлөлт нь оюутны ирээдүйн орлогод суурилах.

3.    Зээлийн хүүгийн төлбөрийг зээл авснаас хойш сар бүр. үндсэн төлбөрийг сургууль төгссөнөөс хойш нэг жилийн дараагаас 3-5 жилийн хугацаанд төлөх.

4.     Зээлийн давтамж үндсэн сургалтын 4-6 жилийн хугацаанд жилд хоёр хүртэлх удаа байх.

5.           Шинээр элссэн оюутны хувьд ЭЕШ-ын оноо 650 буюу түүнээс дээш, тэргүүлэх ач холбогдолтой мэргэжлийн чиглэлээр суралцаж байгаа оюутны сурлагын голч дүн 2.3 бусад оюутны сурлагын голч дүн 3.0 болон түүнээс дээш байх.

Зээлд хамрагдахдаа дараах бичиг баримтыг бүрдүүлж арилжааны аль нэг арилжааны банкинд хандана. /Одоогоор арилжааны банкууд олгож эхлээгүй байгаа/

1.   Зээл хүссэн өргөдөл

2.           Иргэний болон оюутны үнэмлэхийн нотариатаар баталгаажуулсан хуулбар

3.           Сургуулийн сургалтын төлбөрийн нэхэмжлэл /эх хувиар/

4.    Хамтран зээлдэгч гэр бүлийн гишүүний иргэний үнэмлэхийн нотариатаар баталгаажуулсан хуулбар

5.           Сургуульд зохих журмын дагуу элссэнийг гэрчлэх батламжийн нотариатаар баталгаажуулсан хуулбар зэргийг бүрдүүлнэ.

Зээлийн журмыг бурэн эхээр ньЭНД-ээс үзнэ үү.