ХААИС-ийн эрдмийн хамт олны золголт болж, багш нартаа хүндэтгэл үзүүллээ

ХААИС-ийн эрдмийн хамт олны золголт өнөөдөр /2017.03.03/ болж, төрийн дээд шагнал, одон медаль хүртсэн эрдэмтэн багш нартаа хүндэтгэл үзүүллээ.

Сар шинийн баярыг тохиолдуулан  "Хөдөлмөрийн гавъяаны улаан тугийн одон"-гоор өндөр настан С.Даринчулуун, "Алтан гадас одон"-гоор Магистр докторын сургуулийн захирал Б.Баттөр, Инженер технологийн сургуулийн профессор Б.Мөнхбат, Х.Мөнхтуяа, Мал эмнэлгийн сургуулийн орлогч захирал С.Бүрэнжаргал,  "Хөдөлмөрийн хүндэт медаль"-иар Ерөнхий санхүүч Г.Батцэцэг,

Хөдөлмөр нийгмийн хамгааллын яамны "Жуух бичиг"-ээр Номын сангийн жижүүр Ш.Эрдэнэчимэг, Д.Батдорж, Мал аж ахуй биотехнологийн сургуулийн үйлчлэгч С.Оюунцэцэг, Б.Уранчимэг нар тус тус шагнагдлаа.

Мөн Бие бялдар хүмүүжлийн тэнхимийн багш С.Амгаабазар Олон улсын хэмжээний мастер цол хүртсэнийг гардуулан өглөө.

Хөдөлмөр бүтээлээ үнэлүүлэн төрийн дээд одон, медалиар шагнуулсан эрдэмтэн, багш, судлаач, ажилчдад сургуулийн удирдлага хамт олны золголтын үеэр хүндэтгэл үзүүлж, алд цэнхэр хадаг, мөнгөн аягатай сүүний хамт өргөн барьж, сайн сайхан бүхнийг хүслээ.