МУИС, ХААИС-ийн оюутнуудын дунд АХА тэмцээнийг зохион байгуулав

ХААИС болон МУИС-ийн хэлний бус мэргэжлийн ангийн нэгдүгээр курсийн оюутнуудын дунд  асуулт хариултын АХА тэмцээнийг англи хэл дээр 2016 оны 12-р сарын 22-ны өдөр амжилттай зохион байгууллаа. ХААИС-ийн Гадаад Хэлний Төвийн багш Т.Ганчимэг, Б.Отгонбаяр, МУИС-ийн ШУС-ийн  Гадаад Хэлний Төвийн багш Д.Мягмарсүрэн нар санаачлан хоёр сургуулийн оюутнуудын англи хэлний хэлзүйн болон ерөнхий мэдлэгийг сорих, нөхөрсөг харилцааг бий болгох зорилгоор дээрх тэмцээнийг зохион байгуулсан юм.

Тус тэмцээний I байрт МУИС–ийн ОУХНУС-ийн нэгдүгээр курсийн оюутан З.Мөнхсайхан, II байрт МУИС-ийн ШУС БУС-ийн нэгдүгээр курсийн оюутан Н.Энхтайван, III байрт МУИС-ийн БС-ийн нэгдүгээр курсийн оюутан У.Нямбаяр нар тус тус шалгарч Юпитер гадаад хэлний төвд 50 хувийн хөнгөлттэй сурах эрхийн бичгээр шагнуулав. Тусгай байрыг МУИС-ийн ШУС-ийн нэгдүгээр курсийн оюутан М.Тэргэл болон ХААИС-ийн Метал Судлал, Технологийн нэгдүгээр курсийн оюутан З.Сүхбат нар тус тус эзэллээ.

Мэдээг бичсэн багш Т. Ганчимэг

 Фото зургийг багш   Б. Отгонбаяр