БНСУ-ЫН ЧУНБУК ҮНДЭСНИЙ ИХ СУРГУУЛИЙН МАГИСТРЫН ХӨТӨЛБӨРТ ТЭТГЭЛЭГТЭЙГЭЭР СУРАЛЦАХ БОЛОМЖ

ХААИС болон World Edupia Pathway компаний хооронд байгуулсан хамтран ажиллах гэрээний хүрээнд БНСУ-ын Чунбук Үндэсний Их Сургуульд /Chungbuk National University / магистрын хөтөлбөрт тэтгэлэгтэйгээр суралцах боломж нээгдлээ.

Үүнд: Хими, хот төлөвлөлтийн инженерчлэл, микробиологи, химийн инженерчлэл, хүрээлэн буй орчин, ХАА, цэцэрлэгжүүлэлт, хүнсний инженерчлэл, малын эмч, цахилгааны инженер, цахилгаан холбооны инженер, компьютер зэрэг мэргэжлийн чиглэлүүд багтсан болно.

Бүрэлдэхүүн сургуулийн шалгаруулалтанд тэнцсэн оюутан болон төгсөгчийн материалыг Чунбук Үндэсний Их Сургуульд холбогдох тэнхимд танилцуулан шаардлагатай тохиолдолд утсаар ярилцлага хийж сонгон шалгаруулна. Шалгаруулалтанд тэнцсэн оюутан World Edupia Pathway компанийн хэрэгжүүлж буй “Дөт зам” 16 долоо хоногийн  солонгос хэлний сургалтанд хамрагдсанаар TOPIK-4  түвшингийн шалгалтанд тэнцвэл тэтгэлэгт хамрагдан дээр дурьдсан мэргэжлүүдээр магистрт тэтгэлэгтэй сурах боломжтой.

Уг тэтгэлэгт нэр дэвшигчид дараах шаардлагыг хангасан байна. Үүнд:

·         Голч оноо 3.2-оос дээш

·         ХААИС-ийн төгсөгч /төгсөөд 2-оос дээш жил болоогүй/ эсвэл энэ жил төгсөх оюутан байх

·         Мэргэжлийн чиглэл таарч байх

Чунбук Үндэсний Их Сургуулийн шалгаруулалтанд ороход бүрдүүлэх материал:

1.    Анкет /Бүрэлдэхүүн сургуулиасаа авах/

2.    Дүнгийн хуудас

3.    Суралцах төлөвлөгөө

4.    Өөрийн танилцуулга

5.    Диплом эсвэл төгсөх нь үнэн болох сургуулийн тодорхойлолт

ЖИЧ: Бүрдүүлсэн материалаа 2 дугаар сарын 10-ны дотор өөрийн харьяа сургуульдаа өгнө үү. 

Захиргааны алба

Утас: 341153

2017 оны 01 дугаар сар 24 өдөр