ХААИС-ийн Мал эмнэлгийн сургуулийн Халдварт өвчин судлал, микробиологийн тэнхим, олон улсын ЖАЙКА байгууллага, Япон улсын Хоккайдо Их сургууль тус улсын Зооноз өвчин судлалын төвийн профессор, эрдэмтэдтэй хамтран “Мал амьтны халдварт болон зооноз өвчнүүд” сэдэвт олон улсын хурлыг 2017 оны 10 сарын 10-ны өдөр зохион байгуулах гэж байна. 
Хуралд Монгол улсын Үндэсний аюулгүй байдлын зөвлөл, НҮБ-ийн ХХААБ, НҮБ-ийн ДЭМБ, ШУА, ХХААЯ, ЭМЯ, БСШУСЯ, УМЭАЦТЛ, МЭҮГ, НМЭГ, МЭХ, ЗӨСҮТ, ХӨСҮТ, ХААИС-ийн МЭС-ийн эрдэмтэн багш, судлаач, эмч, мэргэжилтнүүд оролцоно. 

Тус хуралд Япон улсын ШУА-н гишүүн, зооноз өвчин судлалын үндэсний төвийн профессор Hiroshi Kida, Хоккайдо Их сургуулийн Зооноз өвчний хяналт, судалгааны төвийн захирал, доктор Yasuhiko Suzuki, профессор Hirofumi Sawa, Хоккайдо Их сургуулийн Мал эмнэлгийн сургуулийн профессор Yoshihiro Sakoda, Satoru Konnai, доктор Masatoshi Okamatsu нар болон ХААИС-ийн МЭС-ийн Халдварт өвчин судлал, микробиологийн тэнхимийн эрдэмтэн багш нар Халдварт болон мал, амьтнаас хүнд дамжин халддаг зооноз өвчин Шувууны томуу, Галзуу, Ям, Бруцеллёз, Сүрьеэ зэрэг халдварт өвчний талаар илтгэл тавьж хэлэлцүүлнэ. 

Олон улсын хурал 2017-10-10- ны өдрийн 9.00 цагт Чингис зочид буудлын хурлын танхимд болно.