Хөдөө аж ахуйн их сургууль болон Австри Улсын Байгалийн Нөөц, Хэрэглээний Шинжлэх Ухааны сургууль (BOKU) нь 2016 оноос эхлэн олон улсын Эрасмусын тэтгэлгээр багш - судлаач солилцооны хөтөлбөрийг амжилттай хэрэгжүүлж байгаа билээ.

Тус хамтын ажиллагааны хүрээнд Агроэкологийн сургуулийн Экологийн тэнхимийн ахлах багш, доктор О. Бүрэнжаргал нь BOKU-д 2018 оны 04-р сарын 10-19-ний хооронд зочин профессороор ажиллалаа. Тэрээр энэ хугацаанд тус их сургуулийн Ойн экологийн тэнхимд ажиллан, бакалаврын оюутнуудад “Ойн экологи ба микориз” хичээл заасан байна. 

Мөн BOKU-н Ойн экологийн тэнхимийн эрхлэгч, профессор Дуглас Годболд АЭС-ийн Экологийн тэнхимд энэ оны 06-р сард ирж ажиллана. Түүний судалгааны чиглэл нь хөрс, ой, уур амьсгалын өөрчлөлт бөгөөд Экологийн тэнхимийн багш А. Сайнчулуу түүний удирдлаган доор судалгааны ажлаа хийж ирсэн байна.