Хөдөө аж ахуйн их сургуулийн Эдийн засаг, бизнесийн сургууль 2018 оны 05-р сарын 07-ны өдөр төгсөгчдийнхөө МӨНГӨН ХОНХНЫ БАЯР-ыг Corporate Convention-д зохион байгууллаа. Үүсгэн байгуулагдаад 60 жилийн ойтойгоо золгож буй тус сургууль нь 2018 онд 318 оюутан төгсгөж байгаа юм байна. 

ЭЗБСургуулийн захирал Б.Баасансүх ёслолын ажиллагааг нээж үг хэлэхдээ: Үүсгэн байгуулагдсанаасаа өдгөө хүртэл амжилттай ажилласан тус сургуулийн түүхэн замнал, ололт амжилтыг дурдаад эрдмийн хамт олон болон эх орныхоо ирээдүйн хөгжил дэвшилд хувь нэмрээ оруулах төгсөгч нартаа цаашдын ажил, амьдралд нь амжилт хүслээ. Тус ёслолын үйл ажиллагаанд “Чоно”, “Домог” хамтлагууд ирж ая дуугаа өргөн, төгсөгчдөд баярын мэнд дэвшүүлэв.