ХААИС-ийн эрдэмтэн багш, судлаач, оюутан залуус Та бүхэндээ 2020-2021 оны хичээлийн шинэ жилийн баярын мэнд хүргэе.  ХААИС-ийн босгыг зорилго, мөрөөдөл тээн алхан орж буй эрхэм дүү нартаа талархаж буйгаа илэрхийлж, оюутны энэ жилүүдэд өөрийгөө бүхий л талаар дайчлан хөгжүүлж, дурсамж дүүрэн цаг хугацааг бүтээгээрэй хэмээн хүсье. Та бүхэн бол хэзээ, хаана ч мөн чанараа үл алдах хүн төрөлхтний мөнхийн хэрэгцээг хангаж байдаг ХАА-н салбарын ирээдүйн эзэд юм.

      Дэлхий нийтийг хамарсан цаг уурын өөрчлөлт, гэнэтийн сөрөг үзэгдлүүд ХАА, хүнсний салбарын ач холбогдлыг улам бүр нэмэгдүүлж, энэ салбарын мэргэжлийн үнэ цэнэ өссөөр байгааг хэлэх нь зүйтэй. ХААИС-ийн хувьд хоёр жилийн өмнөөс эхлүүлсэн цахим сургалтыг удирдан явуулах арга зүйн сургалтууд нь гэнэтийн энэ шийдвэрийг амжилттай хэрэгжүүлэхэд ихээхэн тус боллоо. Одоо ч багшийн хөгжил хөтөлбөрийн хүрээнд цахим хичээлийг хэрхэн үр дүнтэй удирдан явуулах тухай арга зүйн болон туршлага солилцох сургалтуудыг үе шаттай зохион байгуулсаар байна.  

      ХААИС-ийг сонгон суралцаж буй нийт оюутан залуус, та бүхэн дэлхий нийтэд тулгамдаад буй энэ асуудлыг давуу тал болгон ашиглаж, цахим хичээлийн арга зүйд суралцан, цаг хугацааг үр бүтээлтэй өнгөрүүлэхийг хүсье. 

ХААИС-ИЙН ЗАХИРАЛ, ПРОФЕССОР Т.ХЭРҮҮГА