ХААИС нь БНХАУ-ын ХЭНАН-ы ХААИС-тай хамтран БИОТЕХНОЛОГИ, ХҮНСНИЙ ИНЖЕНЕРЧЛЭЛ, ХАА-Н ҮЙЛДВЭРЛЭЛИЙН АВТОМАТЖУУЛАЛТ, РОБОТЖУУЛАЛТ хөтөлбөртөө элсэлт авч эхэллээ.

    Тус сургуультай хамтарсан 6 хөтөлбөр хэрэгжүүлэхээр гэрээ байгуулсан бөгөөд энэ жил дээрх 3 хөтөлбөрийг хэрэгжүүлж, ирэх жилээс “Амьтан ургамлын гаралтай бүтээгдэхүүний хорио цээрийн хяналт үнэлгээ”, “Ойн аж ахуй”, “Ландшафтын архитектур” мэргэжлээр үе шаттайгаар хэрэгжүүлэхээр төлөвлөн ажиллаж байна. Англи хэлээр явагдах тус хөтөлбөрт хамрагдсанаар хоёр их сургуулийн дипломтой төгсөхөөс гадна шинжлэх ухаан, технологи өндөр хөгжсөн тус орны мэдлэг, туршлагаас  суралцаж өргөн мэдлэг, ур чадвар олж авах боломж нээгдэх юм.

    Тус хөтөлбөрөөр суралцах элсэгч нь дараах шалгуурыг хангасан байна. 

• Тухайн хөтөлбөрийн суурь хичээлийн элсэлтийн ерөнхий шалгалтын оноо нь 500-аас дээш байх;
• Англи хэлний дунд түүнээс дээш байх ба IELTS, TOEFL -ийн оноотой бол давуу тал болох;
• Мэргэжлийн хөтөлбөрийн суурь хичээлээр үндэсний болон олон улсын олимпиад, уралдаанд эхний 3 байр эзэлсэн бол давуу тал болох;
• Суралцах зорилгын талаар 250 хүртэлх үгтэй англи хэл дээр эсээ бичсэн байх;
• ХАА-н Биотехнологи хөтөлбөрөөр элсэгчид хими, биологийн ЭЕШ оноо нь 500-аас дээш байх;
• Хүнсний инженерчлэл, ХАА-н үйлдвэрлэлийн автоматжуулалт, роботжуулалт хөтөлбөрөөр элсэгчид математик, физикийн ЭЕШ оноо нь 500-аас дээш байх;
• Хөтөлбөр тус бүрт 20 оюутан шалгаруулна. 

    Шалгаруулалт: 2020 оны 09 дүгээр сарын 10

    Холбогдох утасны дугаар: 99033998; 99738441; 99238717

    ЭСЭЭ хүлээн авах Email хаяг: SBZA@muls.edu.mn