Дэлхийн багш нарын баярын өдрийг угтан ХААИС жил бүр шилдгүүдээ тодруулдаг уламжлалтай. ХААИС-ийн захирлын тушаалаар батлагдсан Оны шилдгүүдийг шалгаруулах комиссийн гишүүд өнөөдөр /2020-09-30/ бүрэлдэхүүний сургуулиуд дээр ажиллаж, багш нарын өнгөрсөн жил хийж бүтээсэн ажилтай танилцаж байна.

ХААИС нь багш нарынхаа хийж бүтээснийг үнэлэх, харилцан туршлага солилцох, сайн үр дүнг түгээн дэлгэрүүлэх, шинэлэг, бүтээлч санаачилгийг дэмжих зорилгоор Шилдэг тэнхим, Шилдэг сурган хүмүүжүүлэгч, Шилдэг судлаач багш, Шилдэг залуу багш гэсэн 4 төрлөөр багш нарыг шалгаруулан урамшуулдаг билээ.