ХААИС-ийн Инженер Технологийн сургуулийн 2020 оны төгсөгч М.Мөнхболд /3216043/ төгсөлтийн судалгааны ажлын үр дүнгээ үйлдвэрлэлд нэвтрүүлжээ. Тэрээр өөрөө сэдвээ сонгон, зураг төслийг нь боловсруулсан будаа тээвэрлэх зөөгүүрийг хийж, 1200 гаруй га талбайн ургац хурааж цэвэрлэн, агуулахад хийхэд ашиглажээ. Өөрийнхөө компанид амжилттай нэвтрүүлсэн судалгааныхаа үр дүнд сэтгэл хангалуун байна гээд багш нар болон сургуульдаа талархсанаа илэрхийлсэн байна.

ХААИС-ийн үнэт зүйл болох төгсөгчдийн бүтээлч хандлага, ур чадвар, дадлыг хэрэгжүүлэн, бүтээлчээр ажлын гараагаа эхлүүлж буй төгсөгчдөө багш нар болон ХААИС-ийн нийт эрдмийн хамт олон баяр хүргэж, амжилт хүсье.