Монгол улсын дээд боловсрол, Хөдөө аж ахуйн салбарт олон жил үр бүтээлтэй ажиллаж төрийн шагнал, одон, медаль хүртсэн ХААИС-ийн нэр бүхий багш, ажилтан нарт захирал Т.Хэрүүга, дэд захирал Г.Гантулга, Инженер технологийн сургуулийн захирал Ж.Мөнгөн, Суурь боловсролын төвийн захирал Г.Долингор болон Мал аж ахуй, биотехнологийн сургуулийн эрдэмтэн нарийн бичгийн дарга Д.Гүрбазар, Агроэкологийн сургуулийн эрдэмтэн нарийн бичгийн дарга Л.Уранбилэг, Сургалтын хөтөлбөрийн эрхлэгч Ш.Оюунтуяа нар хүндэтгэл үзүүлж, баяр хүргэлээ.

“Хөдөлмөрийн гавьяаны улаан тугийн одон”-оор Эдийн засаг, бизнесийн сургуулийн багш, доктор, профессор Р.Оросоо, “Алтан гадас одон”-оор Агроэкологийн сургуулийн захирал, доктор, дэд профессор А.Буянбаатар, Газар тариалан, хөрс судлалын тэнхимийн эрхлэгч, доктор, профессор Б.Одгэрэл, тус тэнхимийн туслах ажилтан Ч.Жавхланбаяр, “Хөдөлмөрийн хүндэт медаль”-аар Мал аж ахуй, биотехнологийн сургуулийн багш, доктор Г.Эрдэмбилэг, “Байгаль орчны тэргүүний ажилтан”-аар Эдийн засаг бизнесийн сургуулийн Сургалтын хөтөлбөрийн эрхлэгч, доктор Г.Ганзориг, Агроэкологийн сургуулийн багш, доктор, дэд профессор П.Ариунсүрэн нар тус тус шагнагдсанд баяр хүргэж, сайн сайхныг ерөөе.