Төрийн өмчийн 6 их сургуулийн хамтын ажиллагааны хүрээнд  “Дусал цус-дүүрэн амьдрал” цус бэлэглэх сайн дурын авлагагүй донорын эгнээг өргөжүүлэх, донорын үйлсийг сурталчлах, ард иргэд тогтмол хугацаанд цусаа бэлэглэх ач холбогдлын талаар ойлголт өгөх, олон нийтийн оролцоог нэмэгдүүлэх, цус цусан бүтээгдэхүүний хангамж, аюулгүй байдлыг хангах зорилго бүхий аян ХААИС дээр 2022 оны 03 дугаар сарын 03-ны өдөр нээлтээ хийлээ. 

Тус аянд төрийн өмчит 6 сургууль нэгдэж, аяны цом АШУҮИС, МУИС-иар амжилттай аялан ХААИС-д шилжин ирээд байна. 

Энэхүү арга хэмжээний үеэр 70-аас дээш удаа цус, цусны бүрэлдэхүүн хэсгээ бэлэглэсэн Хүндэт донор Т.Ган-Эрдэнэ, М.Батбаатар нарыг “Хүрэл донор”-оор өргөмжилж, цусны донор ХААИС-ийн ажилтан Б.Байгалмааг “Бахархал 10” Б.Баярмааг “Бахархал 20”, Б.Уранзулыг “Бахархал 30”, Г.Түвшинбаярыг “Бахархал 40” Б.Мөнхзулыг “Бахархал 50” тэмдгээр тус тус шагнаж алдаршууллаа.

Уг аян нь ХААИС дээр 2022 оны 03 дугаар сарын 03-10-ны өдрийг хүртэл үргэлжлэх юм.

СУРГАЛТЫН БОДЛОГО ЗОХИЦУУЛАЛТЫН АЛБА