Уралдаанд оюутнууд инновацын 9 бүтээл ирүүлж, оролцсоноос таван шалгуур үзүүлэлтийн дагуу шүүгч тус бүр 0-5 оноогоор дүгнэж дараах 5 бүтээлийг дараагийн шатанд дэвшин оролцох эрхээр шагналаа.

• “Төрөл бүрийн хүнсний ногоо үрлэх олон үйлдэлт үрлүүр зохион бүтээж туршсан дүн” Инженер, технологийн сургуулийн Хөдөө аж ахуйн инженерийн IV ангийн оюутан И.Цэдэнжав, Н.Баасандамба, Б.Төрсайхан, Удирдагч багш, доктор Д.Эрдэнэдалай;
• “Чоно үргээх төхөөрөмж” Инженер, технологийн сургуулийн Цахилгаан хангамжийн IV ангийн оюутан Г.Хуягсүрэн, Б.Өлзийсайхан, Ш.Анхцэцэг, Б.Гүнжидмаа, Удирдагч багш, магистр Д.Амгаланзул, магистр Д.Ганболд;
• “Сарлагийн болон үнээний сүүгээр хийсэн ИВЭН бяслагийн харьцуулсан судалгаа” Мал аж ахуй биотехнологийн сургуулийн Мах, сүү үйлдвэрлэлийн технологийн IV ангийн оюутан Г.Цэрмаа, Удирдагч багш, доктор, дэд профессор М.Нарангэрэл;
• “Мойлтой ээдэм үйлдвэрлэх технологийн судалгаа” Мал аж ахуй биотехнологийн сургуулийн Сүү үйлдвэрлэлийн IV ангийн оюутан Н.Батчимэг, Удирдагч багш, доктор, дэд профессор М.Нарангэрэл;
• “Компост бордоо” Дархан-Уул аймаг дахь Агроэкологи, бизнесийн сургуулийн Агрономийн IV ангийн оюутан Б.Насанжаргал, мөн мэргэжлийн III ангийн оюутан Ч.Бямбадорж, Удирдагч багш, доктор, дэд профессор Б.Энхтуяа;

Эдгээр шалгарсан бүтээл дараагийн шатанд төрийн өмчийн бусад 5 их сургуулийн оюутнуудын шилдэг инновацын бүтээлтэй өрсөлдөх юм. Уралдаанд бүтээлээ ирүүлж идэвхтэй оролцсон оюутнууд, удирдагч багш нартаа талархал илэрхийлж сургуулийнхаа шилдэг бүтээлээр шалгарсан оролцогчдодоо дараагийн шатны шалгаруулалтад амжилт хүсье.