ОХУ-ын Новосибирск, Иркутск, Буриадын ХААИС-ийг “Хос хөтөлбөр”-өөр амжилттай төгссөн 27 оюутан өнөөдөр(2023-02-03) дипломоо гардан авлаа. “Хос хөтөлбөр”-өө амжилттай дүүргэсэн төгсөгчдөд ХААИС-ийн Сургалт, цахим шилжилтийн бодлогын газрын захирал Н.Батжаргал, Гадаад хамтын ажиллагааны хэлтсийн дарга Ц.Сүхтулга нар диплом, энгэрийн тэмдэг гардуулан өгч, амжилт хүслээ.

Төгсөгчид цахилгаан эрчим хүч, цахилгаан техник, агрохими, агро хөрс судлал, малын эмч, мал эмнэлэг-ариун цэвэр, ландшафт архитектор, тээвэр технологийн машин ашиглалт зэрэг эрэлттэй мэргэжлээр хоёр их сургуулийн хос диплом гардан авч, ажил, амьдралдаа нэгэн шинэ хуудсыг нээлээ. "Хос хөтөлбөр"-өөр төгсөгчид бүгд ажлын байртай болж мэргэжлээрээ ажиллаж буй аж.

Одоогоор ХААИС нь ОХУ, БНХАУ, БНСУ, Канад зэрэг орны 12 их сургуультай 2+2 буюу “Хос хөтөлбөр”-ийг хамтран хэрэгжүүлж байгаагийн тав нь ОХУ-ын их сургууль юм.