“Эрдэнэс Тавантолгой” ХК-ийн Гүйцэтгэх захирал Б.Ганхуяг өнөөдөр (2022-10-24) ХААИС-ийн оюутнуудад байгууллагынхаа дунд, урт хугацааны бизнес төлөвлөгөө, 10 жилийн хөгжлийн бодлого, хөтөлбөрийн хүрээнд хэрэгжих бүтээн байгуулалтын төсөл хөтөлбөрүүд болон компанийн үндсэн үйл ажиллагааны талаар илтгэл тавьж, оюутнуудын сонирхсон асуултад хариуллаа. Мөн хоёр оюутан тус компанийн нэрэмжит тэтгэлэг хүртсэнийг ХААИС-ийн захирал О.Баатарцогт гардуулан өгч баяр хүргэв.

Тухайлбал Агроэкологийн сургуулийн Байгалийн аялал, жуулчлалын 3 дугаар ангийн оюутан Б.Чулуунбаатар, Инженер, технологийн сургуулийн Цахилгаан хангамжийн 2 дугаар ангийн оюутан Ж.Амаржаргал нар тус тэтгэлгийг хүртлээ. Энэ үеэр ХААИС-ийн захирал О.Баатарцогт зорилгынхоо төлөө тууштай байж хичээвэл хүн бүхэнд боломж байгааг онцлон хэллээ.