Солонгосын Дэгү хотын Шинжлэх ухааны музейнЗахирал Peak Woon Kee тэргүүтэй төлөөлөгчид  ХААИС-д 2023 оны 6 дугаар сарын 19-нд  зочилж, хамтын ажиллагааны гэрээ байгууллаа.

Талууд хамтын ажиллагааны хүрээнд хамтарсан үзэсгэлэн зохион байгуулах, сургалтын хөтөлбөр боловсруулах, музейн менежментийг боловсронгуй болгох, олон улсын олимпиад хамтран зохион байгуулахаар тохиролцлоо.

Зочид ХААИС-тай танилцсаны зэрэгцээ ХААИС-ийн дэргэдэх Нүүдэлчдийн соёл иргэншлийн музейн үзмэр, өв санг үзэж сонирхлоо.

Хамтын ажиллагааны гэрээ үзэглэх ёслолд ХААИС-ийн талаас Захирал Б.Баасансүх, Гадаад харилцаа, түншлэлийн албаны дарга Ц.Сүхтулга, Хэрэглээний шинжлэх ухааны сургуулийн захирал Б.Болормаа, Эрдэмтэн нарийн бичгийн дарга И.Баярбат нар оролцлоо.