Туршилтад амьтан хэрэглэх Ёс зүйн хяналтын зөвлөл 2024 оны 06 дугаар сарын 04-ний өдөр Мал эмнэлгийн хүрээлэнгийн Эрдмийн зөвлөлийн танхимд хуралдлаа. Хуралдаанаар судлаачдаас ирүүлсэн 13 өргөдөл, хүсэлтийг хэлэлцэж, 5 өргөдлийг баталгаажуулж, үлдсэн асуудлыг техникийн засвар хийж, бичиглэлийг хянасны дараа баталгаажуулахаар тогтов.

Туршилтын амьтан хэрэглэх шаардлагатай судалгааны төсөл

Хяналтын зөвлөл нь ХААИС-ийн харьяа хүрээлэн, бүрэлдэхүүн сургуулиудын багш, судлаачдын хэрэгжүүлж буй эрдэм шинжилгээ, судалгааны ажилд туршилтын амьтан хэрэглэхдээ ёс зүйн алдаа, дутагдал гаргахаас сэргийлэх, туршилтын амьтны тавлаг болон аюулгүй байдлыг хангасан орчинд энэрэнгүй зарчим баримтлан, амьтныг тарчлаан зовоохгүйгээр судалгаа хийх зарчмыг мөрдүүлэх, амьтанд туршилт хийх арга, аргачлалын шинжлэх ухаанч байдал, ёс зүйн асуудлыг хэлэлцэж дүгнэлт гаргах үүрэгтэй байгуулагдсан юм.

Амьтдыг туршилт, судалгаанд хэрэглэхдээ 3R-ын зарчмыг баримталдаг. Үүнд:

1. Орлуулах (Replacement) - хэрэв тухайн туршилт нь амьтад ашиглахаас бусад аргаар судалгаа, шинжилгээ явуулах боломжгүй бол туршлагын амьтдыг сонгох

2. Цөөлөх буюу багасгах (Reduction)- аль болох цөөн тооны амьтныг туршилтанд хэрэглэх

3. Боловсронгуй болгох (Refinement) - туршилтын амьтныг аль болохоор өвтгөж зовоохгүй байхаар туршилтын арга зүйг боловсруулах

Хуралдаанаар туршилтын мал, ашиглан хийх мал эмнэлэг, био анагаах, тархвар зүйн судалгаа, туршилт шинжилгээний үед амьтны эрхийг хамгаалах, шинжлэх ухааны ёс зүйн хэм хэмжээг мөрдүүлэх талаар ёс зүйн зөвшөөрөл хүссэн судлаач нарт мэргэжил, арга зүй болон 3R зарчмын талаар зөвлөгөө өгч хамтран ажиллаж байна.

Мал амьтныг туршилтад хэрэглэх ёсзүйн хяналтын зөвлөлийн шийдвэргүйгээр уг судалгааны ажлын үр дүнг дотоод, гадаадын хэвлүүлэх боломжгүй болохыг нийт судлаачдад анхааруулж байна.