ХААИС-ийн Мал аж ахуй, биотехнологийн сургуулийн санаачлан БНСУ-ын Кёнсан их сургуультай 2024 оны 06 дугаар сард байгуулсан хамтын ажиллагааны гэрээний дагуу ХААИС “Global Capstone design”, Кёнсаны их сургууль “G-Vision trip” багш, оюутан солилцоо, харилцан туршлага судлах хөтөлбөрийг хэрэгжүүлж байна.

Кёнсаны их сургуулийн “G-Vision trip” хөтөлбөрийн хүрээнд ХААИС-ийн Мал аж ахуй, биотехнологийн сургуулийн профессор  багш нар, 26 оюутан, Мал эмнэлгийн сургуулийн 3, Эдийн засаг, бизнесийн сургуулийн 1 оюутан 2025 оны 02 дугаар сарын 03-08-ны 5 хоногийн хугацаанд БНСУ-ын Кёнсаны их сургуульд зочилж, 5 баг болон оюутны эрдэм шинжилгээний хуралд илтгэл хэлэлцүүлж, оюутны старт–апп компаниудтай танилцах аялал зохион байгуулна.

Бүрэлдэхүүн сургуулийн захирал, профессор багш нар хамтын ажиллагааны хүрээнд

1. Кёнсан Их сургуулийн бүтэц зохион байгуулалт, сургалтын орчин, лабораториуд, музейтэй танилцах
2. “G-Vision trip” хөтөлбөрийн хүрээнд оюутны олон улсын хамтарсан эрдэм шинжилгээний хурал зохион байгуулах
3. БНСУ-ын Жинжү хотын хүнс үйлдвэрлэлийн ухаалаг ферм, судалгааны хүрээлэнгүүдтэй танилцах
4. БНСУ, Kyungpook National University, Herd-Bio Convergence promotion Institute-тэй байгуулсан гэрээний хүрээнд уулзаж 2026 оноос Монгол Улсад хэрэгжих 1.8 сая долларын төслийн төлөвлөгөөг хэлэлцэх
5. БНСУ-ын Дэгү хотын GUMI их сургууль, Мэргэжлийн морин спортын холбоотой хамтран ажиллах гэрээний хүрээнд уулзалт хийж Морин спорт хөтөлбөрийн оюутан солилцоо, кредит баталгаажуулалтыг харилцан тохиролцох, үйл ажиллагааг өргөжүүлэх, оюутан солилцооны олон улсын хамтарсан төсөл эхлүүлэх зэрэг ажлыг гүйцэтгэх юм.