ХААИС-ийн ректор Б.Баасансүх, Архангай аймгийн засаг дарга Б.Цэрэннадмид нар “Алсын хараа-2050” Монгол Улсын урт хугацааны хөгжлийн бодлого, “Хүнсний хувьсгал”, “Тэрбум мод”, “Цагаан алт” хөтөлбөр “Шинэ хоршоо” хөдөлгөөний зорилтыг хэрэгжүүлэх хүрээнд 2025 оны 05 дугаар сарын 31-ний өдөр хамтран ажиллах санамж бичигт гарын үсэг зурлаа

Санамж бичгийн хүрээнд:

• Хөдөө аж ахуйн гаралтай бүтээгдэхүүний судалгаа хөгжүүлэлт, инновацын бүтээгдэхүүнийг нутагшуулах
• Их сургуулийн шаталсан сургалтад орон нутгийн ААН, байгууллагын мэргэжилтэн, иргэдийг хөнгөлөлттэй нөхцөл хялбаршуулсан үйлчилгээ, богино хугацаагаар сургах
• Мал сүргийн үүлдэр угсааг сайжруулах, үржил селекцийг төлөвлөн хэрэгжүүлэх
• Мал амьтны төрөл бүрийн өвчинтэй тэмцэхэд орчин үеийн арга технологи нэвтрүүлэх, Бэлчээр болон тариалангийн талбайн хөрсний үржил шимийг судлах, сайжруулах
• Орон нутгийн түүхий эдэд тулгуурласан тэжээл үйлдвэрлэлийг хөгжүүлэх, тоног төхөөрөмжийн сонголт, дэвшилтэт технологи нэвтрүүлэх
• Мал аж ахуйн гаралтай бүтээгдэхүүний нийлүүлэлтийн сүлжээний ерөнхий зураглал хийх
• Малын гаралтай түүхий эд, дайвар бүтээгдэхүүнийг боловсруулах технологи нэвтрүүлэх зэрэг чиглэлд хамтран ажиллахаар болсон байна.