Ректорын 2008 оны . . . . тоот

тушаалын гуравдугаар хавсралт

НОМ СУРАХ БИЧИГ, ГАРЫН АВЛАГА

ХЭВЛҮҮЛЭХ, ХУДАЛДАН АВАХ журам

Нэг. Нийтлэг зүйл

1.1. Энэхүү журмын зорилго нь ХААИС-ийн мэргэжлийн сургалтын төлөвлөгөөний дагуу тухайн сургуулийн эрдмийн зөвлөлөөр хэлэлцүүлж батлуулсан хичээлийн стандарт хөтөлбөрийн шаардлагад нийцсэн сурах бичиг, гарын авлага, эрдэм шинжилгээний ажлыг хэвлүүлэх, худалдан авах үйл ажиллагааг зохицуулах, түүнд хяналт тавихад оршино.

Хоёр. Зөвлөлийн үйл ажиллагаа

2.1.Сургалтын төлөвлөгөө, хөтөлбөрийн дагуу шаардагдах сурах бичиг, гарын авлага, эрдэм шинжилгээний ажил, сургалтын материалын нэгдсэн захиалга, товч танилцуулга, номны эх бэлтгэх төлөвлөгөөний хамт бүрэлдэхүүний сургуулийн эрдмийн зөвлөлөөр хэлэлцүүлж, улирал бүрийн  эхний 7 хоногт ирүүлнэ.

2.2. Сурах бичиг, гарын авлага, эрдэм шинжилгээний ажлын агуулга, чанарт үнэлэлт дүгнэлт өгөх сонголт хийх эрх бүхий мэргэшсэн редакцын зөвлөлийг мэргэжлийн тэнхмийн саналыг үндэслэн Сургалт эрхэлсэн проректорын дэргэд ажиллуулж, хэвлүүлэх, худалдан авах шийдвэр гаргана.

Гурав.  Сурах бичигт тавигдах шаардлага

3.1.Хэвлүүлэх болон худалдан авахаар сонгогдсон сурах бичиг нь дээд боловсролын агуулга, стандартад нийцсэн байна.

3.2.Хэвлүүлэх болон худалдан авахаар сонгогдсон сурах бичиг, шинжлэх ухааны болон танин мэдэхүйн ном, сургалтын материал нь онолын хэсэг, бие дааж ажиллах суралцах болон сорих асуулт, тест бүхий  хэсэгтэй байна.

3.3.Сурах бичиг нь онолын асуудал, шинжлэх ухаан технологийн орчин үеийн ололт, эрдэм шинжилгээний ажлын үр дүнгээр баяжигдсан бүх шатны суралцагсдын эрэлт хэрэгцээ хангасан байна. 

3.4.Шинжлэх ухааны онолын асуудал нь орчин үеийн судалгааны дэвшилтэт шинэ арга технологид тулгуурласан, үр дүн нь үйлдвэрлэлд нэвтэрсэн болон нэвтрэх боломжтой бүх шатны суралцагсдын эрэлт хэрэгцээнд нийцсэн байна.

3.5.Сурах бичигт дотоодын 10-аас доошгүй, гадаадын 2-3 орны /2-3 гадаад хэл ашигласан байх/ ижил төрлийн сурах бичиг, бусад эх сурвалжийг  ашигласан байна.

3.6.Сурах бичгийн бүлэг бүрийн эхэнд тухайн хэсэгт судлах зүйлийн үндсэн  нэр томъёо, тодорхойлолтыг танилцуулсан байна.

3.7. Сурах бичгийн бүлэг бүрийн дараа шалгах асуулт, өөрийгөө шалгах сорил, тест, хяналтын ажилтай байна.

3.8.Сурах бичгийн зураг, бүдүүвч, график, диаграмм, тэмдэглэгээ зэрэг нь сургалтад бүрэн хэрэглэх боломжтой, өнгө ялган хэвлэх бололцоотойгоор эх бэлтгэгдсэн, доторхи тэмдэглэгээнүүд стандартад нийцэж эх хэл дээр тайлбарлагдсан байна.

3.9.Сурах бичгийн эхийг хэвлэлийн стандартын дагуу бэлтгэж, гарын үсгээр баталгаажуулсан цаасан болон файл хэлбэрээр үйлдвэрлэгчид өгнө.

3.10.Сурах бичиг нь орчин үеийн хэвлэлийн дизайн, чанарын шаардлага хангасан, хэрэглэгчийн эрэлт хэрэгцээнд нийцсэн байна.

Дөрөв. Гарын авлагад тавигдах шаардлага

4.1. Хэвлүүлэх болон худалдан авахаар сонгогдсон гарын авлага, сургалтын материал нь дээд боловсролын агуулга, стандартад нийцсэн байна.

4.2.Гарын авлага нь онол, арга зүй, туршилт, хэмжилт, тооцоо, дүгнэлт гаргах, бие даан ажиллах боломжийг суралцагсдад олгосон дэс дараа бүхий агуулгыг багтаасан байна. 

4.3. Дадлага, лаборатори, семинарын бүлэгт хамрагдах оюутны тооноос хамаарч бэлтгэсэн сургалтын материал бүхий хавсралт, тооцоо, хяналтын ажлын хувилбар, өгөгдлүүдтэй байна.

4.4. Бие даан тооцох ажлуудыг сэдэв, агуулгаар бүлэглэж, тухайн ажлыг хийж гүйцэтгэхэд шаардлагатай ном сурах бичиг, гарын авлага, бусад эх сурвалжуудыг тодорхойлсон байна.

4.5. Гарын авлагын зураг, бүдүүвч, график, диаграмм, тэмдэглэгээ зэрэг нь тод зураглалтай, ойлгомжтой байна.

4.6. Гарын авлагад туршилт, сорилт, тооцоо хийхэд шаардагдах эм урвалж, багаж хэрэгсэл холбогдох бусад материалыг тодорхой тусгаж, шаардлагатай норм, норматив, орц зэрэг лавлагааг оруулсан байна.

Тав. Бусад

5.1.Хэвлэгдэхээр сонгогдсон ном, сурах бичиг, гарын авлага, сургалтын материалыг ХААИС-ын хэвлэх үйлдвэрт хэвлүүлэх гэрээ, сургуулиас гадуурхи номын борлуулалтыг зохиогч хариуцна.

5.2. ХААИС-ийн багш, ажиллагсад сурах бичиг, гарын авлага, сургалтын материалын хэвлүүлэхэд  хэвлэлийн хуудас, хэвлэх тоо ширхэгээс хамааруулан зах зээлийн дундаж үнээс 20 хүртэлх хувиар зардлыг хөнгөлнө. Хөнгөлөлтийг редакцын зөвлөл шийдвэрлэнэ. Хавтасны үнэ нь чанар, өнгө ялгалт зэргээс хамаарч тусдаа тооцогдоно.

5.3. Сургалтын төлөвлөгөөн дэх тухайн хичээлийн үндсэн сурах бичгээр батлагдсан ном, сурах бичиг, гарын авлагыг сургуулийн номын санд худалдан авах, сургуулийн дэргэдэх номын дэлгүүрээр худалдах үнийг зохиогчийн саналыг харгалзан редакцын зөвлөл тогтооно.

5.4.Ном, сурах бичиг, гарын авлагын агуулга, хэвлэлийн чанар, эрэлт хэрэгцээ,  судалж буй оюутны тооноос хамааруулан нэг удаад худалдан авах тоо хэмжээг редакцын зөвлөл тогтооно. 

 БАТЛАВ.  Сургалт эрхэлсэн проректор . . . . . . . . . . . . . . . . . . . /                               /

НОМ, Сурах бичиг, гарын авлага хэвлүүлэх гэрээ

Нэг. Ерөнхий зүйл

1.1. Энэхүү гэрээг нэг талаас Хөдөө Аж Ахуйн Их Сургуулийн хэвлэлийн үйлдвэр /цаашид “Үйлдвэрлэгч” гэх/, нөгөө талаас . . . . . . . . . . . . . . . . .овогтой . . . . . . . . . . . . . . /цаашид “Захиалагч” гэх/ нар . . . . . . . . . . . . сургуулийн . . . . . . . . . . . . . . . . . . . . . мэргэжлийн ангид үзэх . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . /ном, сурах бичиг, гарын авлага, эрдэм шинжилгээний бүтээл, сургалтын материал/-ыг хэвлүүлэхээр харилцан тохиролцож байгуулав.

1.2.Талуудын хоорондын эрх зүйн харилцааг Монгол улсын Иргэний хууль,  бусад холбогдох хууль, тогтоомжууд болон энэхүү гэрээгээр зохицуулна.

1.3.Талууд харилцан тохиролцож гэрээнд өөрчлалт оруулж болно. 

Хоёр. Үйлдвэрлэгчийн эрх, үүрэг

2.1. Үйлдвэрлэгч энэ гэрээнд заасан хугацаанд техникийн нөхцөл, чанарын шаардлагыг бүрэн хангасан бүтээгдэхүүнийг . . . . . .хоногийн дотор захиалагчид нийлүүлнэ.

2.2. Үйлдвэрлэгч захиалагч бүтээгдэхүүнээ хүлээн авахаас өмнө үйлдвэрлэлийн үйл ажиллагаанаас үүссэн гологдол, дутагдлыг  хариуцана.

2.3. Үйлдвэрлэгч бүтээгдэхүүнийг захиалсан тоо хэмжээнээс илүү үйлдвэрлэх, ном, сурах бичиг, гарын авлага, сургалтын материалын эхийг бусдад ашиглуулахгүй байна.

2.4. Үйлдвэрлэгч энэхүү гэрээний 3.2-т заасан нөхцөлийн дагуу төлбөр бүрэн хийгээгүй тохиолдолд бүтээгдэхүүнийг бүрэн буюу хэсэгчлэн захиалагчид  олгохгүй.

2.5. Үйлдвэрлэгч гэрээнд заасан хугацаанд бүтээгдэхүүнийг нийлүүлж чадаагүй тохиолдолд хэтрүүлсэн хоног тутам нийт үнийн дүнгийн 0.5 хувьтай тэнцэх торгууль төлнө.

Гурав. Захиалагчийн эрх, үүрэг

3.1. Захиалагч  хэвлүүлэх бүтээгдэхүүндээ редакцын зөвлөлөөр хэлэлцүүлэн  зохих зөвшөөрлийг /хавсралт №1/ авсан байна. 

3.2. Захиалагч бүтээгдэхүүний техникийн нөхцөлд заагдсан /хавсралт №2/ бүтээгдэхүүний төлбөр тооцоог . . . . . .оны . . . . сарын . . . .-ны дотор бүрэн хийж дуусгах ба урьдчилгаа төлбөр болох . . . . . . . . . төгрөгийг . . . . . оны . . . . . сарын . . . . .-ны дотор хийнэ.

3.3. Гэрээний 3.2-т заасан нөхцөлийн дагуу бүтээгдэхүүний төлбөр тооцоог хийгээгүй тохиолдолд хэтрүүлсэн хоног тутам нийт үнийн дүнгийн 0.5 хувьтай тэнцэх торгууль төлнө.

3.4. Захиалагч төлбөрийг үйлдвэрлэгчийн . . . . . . . . . . . . .  банкин дахь . . . . . . . . . . . . . . тоот дансанд буюу ХААИС-ийн кассанд бэлнээр тушаана.

Дөрөв. Бусад зүйл

4.1.Гэрээг . . . . . . оны . . . . . сарын. . . . . өдөр байгуулж, хоёр хувь үйлдэв.

4.2.Талууд энэхүү гэрээнд гарын үсэг зурснаар гэрээ хүчин төгөлдөр болно.

4.3. Аливаа маргаантай асуудал үүсвэл талууд эвийн журмаар харилцан тохиролцож шийдвэрлэх бөгөөд эс чадвал шүүхийн байгууллагаар маргааныг шийдвэрлүүлнэ.

Захиалагчийг төлөөлж                                                     Үйлдвэрлэгчийг төлөөлж

. . . . . . . . . . . . . . . . . . . . . . . . . . .                               Хэвлэх үйлдвэрийн

/гарын үсэг/                                                                  эрхлэгч . . . . . . . . . . . . . . . .

Хавсралт № 1

Ном, сурах бичиг, гарын авлага, эрдмийн бүтээл

 хэвлэлтэнд шилжүүлэх зөвшөөрөл

Ном, сурах бичиг, гарын авлага, эрдмийн бүтээлд редакцын зөвлөлөөс өгсөн дүгнэлтийн дагуу засвар, өөрчлөлтийг зохиогчийн зүгээс хийсэн тул сургалтанд хэрэглэх боломжтой гэж үзээд . . . . . . . . хувь хэвлүүлэх  зөвшөөрөл олгов.

Редакцын зөвлөлийн гишүүн. . . . . . . . . . .  . . . . . . . . . . /. . . . . . . . . . . . . . . . . . . /

. . . . . . . . . . . . . .. . . . . . . . . . . . . . .  . . . . . /. . . . . . . . . . . . . . . . . . . /

. . . . . . . . . . . . . . . . . . . . . . . . . . . . . . . . . . /. . . . . . . . . . . . . . . . . . . /

Сургалт эрхэлсэн проректор. . . . . . . . . . . . . . . . . . . . /. . . . . . . . . . . . . . . . . . . /

20…. оны . . . .сарын . . . . өдөр

Хавсралт №2

Бүтээгдэхүүний техникийн нөхцөл

1. Бүтээгдэхүүний нэр: . . . . . . . . . . . . . . . . . . . . . . . . . . . . . . . . . . . . . . . . . . . . .. . . . . . . . . . . . . . . . . . . .

2. Нэг хэвлэлийн хуудасны хэвлэлтийн үнэ  . . . . . . . . . . . . . . . . . . . . . . . . . . . .

3. Хэвлэлийн хуудас. . . . . . . . . . . . . . . . . . . . . . . . . . . . . . . . . . . . . . . . . . . . . . .

4. Хэвлэлийн эх бэлтгэлийн үнэ. . . . . . . . . . . . . . . . . . . . . . . . . . . . . . . . . . . . . .

5. Хэвлүүлэх нийт тоо хэмжээ. . . . . . . . . . . . . . . . . . . . . . . . . . . . . . . . . . . . . . . .

6. Хавтасны үнэ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

7. Нийт үнэ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Зөвшөөрсөн:  . . . . . . . . . . . . . . . . . . . . овогтой . . . . . . . . . . . . . . . . .

20…..оны . . . .сарын . . . . өдөр

Маягт № 1

Хэвлүүлэх сурах бичиг, гарын авлага, эрдмийн бүтээлийн захиалга

Маягт № 2

Худалдан авах  сурах бичиг, гарын авлага, эрдмийн бүтээлийн жагсаалт

 Редакцын зөвлөлийн гишүүн . . . . . . . . . . . . . . . /. . . . . . . . . . . . . . . . . . . . . /

. . . . . . . . . . . . . . . . . . . . . . . /. . . . . . . . . . . . . . . . . . . . . /

. . . . . . . . . . . . . . . . . . . . . . . /. . . . . . . . . . . . . . . . . . . . . /

. . . . . . . . . . . . . . . . . . . . . . . /. . . . . . . . . . . . . . . . . . . . . /