ОНОЛЫН СУУРЬ СУДАЛГАА

”Үржлийн малын гарвал тодорхойлох иммуногенетикийн судалгаа”

 Хугацаа: 2009-2011 он

Гүйцэтгэгч байгууллага: Мал аж ахуйн эрдэм шинжилгээний хүрээлэн

Удирдагч: академич М.Төмөржав

Гол үр дүн:

1. Төлийн гарвалыг тодорхойлоход цусны бүлгийн В-систем буюу ЕАВ-локусыг голлох үндэслэл болгосноос гадна бусад ситемүүдийг ч харгалзаж үзсэн болно. Дээрх хүснэгтээс үзэхэд 684022 дугаартай тугал донор эхийн талаас ЕАВ-локусын В₂О₁ аллелийг, 684025 дугаартай тугал донор эхийн талаас G₂Y₂E₁¹Q аллелийг, 684000 дугаартай тугал донор эхийн талаас G₂Y₂E₁¹аллелийг, 684001 дугаартай тугал G₂I₁Y₁D¹E¹₁аллелийг тус тус удамшуулж авсан нь тодорхой байна. Харин тээгч үнээдийн дээрхи локусын аллелиуд огт өөр байна. Өөрөөр хэлбэл донор үнээдийн ЕАВ- локусын аллелиудыг удамшуулж авснаараа эдгээр тугалууд хөврөлийн гарвалтай болох нь батлагдаж байна. Харин зохиомол хээлтүүлгээр гарсан тугалын 65% нь гүн хөлдөөсөн үрийн гарвалтай болох нь тодорхойлогдов.