ХӨДӨӨ АЖ АХУЙН ИХ СУРГУУЛЬД

ЭЛСЭХИЙГ ХҮСЭГЧ БҮРТГҮҮЛЭГЧ НАРТ

Элсэхийг хүсэгчдэд ЭНД дарж онлайнаар бүртгүүлнэ үү.

Бүртгүүлэхэд анхаарах зүйл

БҮТ-өөс өгсөн бүртгэлийн дугаар, нууц үгээ ашиглан нэвтэрнэ.

Бүртгэлийн хураамжийг Голомт банкны интернэт гүйлгээ хийх эрхтэй картаар хийнэ. Хэрэв картгүй бол ХААИС-ийн төв байрны 202 тоотод ирж бүртгүүлнэ үү.

УР ЧАДВАРЫН ШАЛГАЛТ

ЛАНДШАФТЫН АРХИТЕКТУР мэргэжлээр бүртгүүлэгчид Хар зургийн шалгалт өгөх бөгөөд шалгалтыг 2013 оны 7 дугаар сарын 08-ны 17:00 цагаас ХААИС-ийн төв байрны 201 тоот өрөөнд авна. Бүртгүүлэгч хар зургийн шалгалтанд иргэний үнэмлэх, бүртгэлийн хуудас, батламж карттай ирнэ. Бичиг баримт дутуу бол шалгалтанд оруулахгүй болохыг анхаарна уу.

Бүртгэл

2013 оны 7 дугаар сарын 02-ноос 08-ны өдрүүдэд 10:00 – 18:00 цагийн хооронд явагдана.

Онооны жагсаалт 2013 оны 7 дугаар сарын 08-ны 22:00 цагт гарна.

ХУВААРЬ СОНГОЛТ

Мэргэжил сонголтонд элсэгч өөрийн биеэр ирэх бөгөөд элсэлтийн сонгон шалгаруулалтын дэгийг мөрдөнө. Үүнд элсэхийг хүсэгчийн нэрийг онооны дарааллаар 3 удаа дуудна. Хэрэв элсэгч сонгон шалгаруулалтанд ороогүй тохиодолд дараагийн хүнд мэргэжил сонгох боломж олгоно.

Сонгон шалгаруулалтанд ирэхдээ дараах бичиг баримттай байна. Үүнд:

• ЭЕШ өгсөн батламж
• Бүртгэлийн хуудас
• Иргэний үнэмлэх
• 3х4 хэмжээтэй 1 хувь цээж зураг

Элсэлттэй холбоотой дүрэм журам болон дэлгэрэнгүй мэдээллийг ЭНД дарж үзнэ үү.