ХААИС-ийн спортын ил талбайн нээлт болно

БШУЯ-ны сайдын санаачилгаар улсын төсвийн хөрөнгөөр 2013 -2014 оны хичээлийн жилд ХААИС өөрийн эзэмшлийн талбайд  1800 метр квадрат орчин үеийн шаардлагад нийцсэн спортын ил талбайтай боллоо. Тус талбайд хөл бөмбөг, гар бөмбөг, сагсан бөмбөг, гандболл, хөнгөн атлетик зэрэг спортын олон төрлөөр хичээллэж, сургалт хүмүүжлийн ажил явуулах боломжтой юм. Спорт талбайн гүйцэтгэгчээр “Наран босголт” ХХК ажиллаж 2 сарын хугацаанд гүйцэтгэжээ. Талбайн нээлтийн ажиллагаа өнөөдөр буюу 2013 оны 11 дүгээр сарын 13-ны өдрийн 16:00 цагт болно.

Нээлтийн ажиллагаанд Боловсрол шинжлэх ухааны сайд Л.Гантөмөр болон ХААИС-ийн удирдлагууд оролцож  “ХААИС-Зочин баг” гэсэн хөл бөмбөгийн нөхөрсөг тоглолт хийнэ.