ХААИС нь 100 гаруй жилийн тэртээ Малын эмч, Зоотехникч мэргэжилтэн бэлтгэх түүхэн замналынхаа анхны хуудсыг нээж байсан бол өнөөдөр бүрэлдэхүүний 6 сургууль, орон нутгийн салбар 2 сургууль, харьяа ахлах сургууль, политехникийн 3 коллеж, эрдэм шинжилгээний 4 хүрээлэнтэй болж сургалт-эрдэм шинжилгээ, үйлдвэрлэлийн гурвалсан холбоо бүхий шаталсан сургалт явуулдаг, үндэсний хэмжээнд тэргүүлэх, ууган их сургуулиудын нэг болжээ.

Сургалт, цахим шилжилтийн бодлогын газар нь сургалтын хөтөлбөр, багшийн хөгжлийн алба; оюутны хөгжил, үйлчилгээний  алба; цахим шилжилт, технологийн албаны бүтэц, бүрэлдэхүүнтэйгээр суралцагч, профессор, багш, хөтөлбөрт оролцогч талуудад үндсэн чиг үүргийн хүрээнд бүх талын үйлчилгээ үзүүлэн, элсэлт-сургалт-судалгаа-төгсөлтийн үйл ажиллагааг зохион байгуулж, сургалттай холбоо бүхий хууль, эрх зүйн баримт бичиг, журмын хэрэгжилтийг хянан зохицуулж, холбогдох журмын шинэчлэлт, өөрчлөлтийг удирдлагаар ханган ажиллаж байна.