Монгол Улсын Ерөнхийлөгчийн зарлигаар хөдөө аж ахуй, боловсролын салбарт олон жил үр бүтээлтэй ажилласан доорх нэр бүхий хүмүүсийг цол тэмдэг, одон медалиар шагналаа.

Монгол Улсын Шинжлэх ухааны гавьяат зүтгэлтэн цолоор Ургамал хамгааллын эрдэм шинжилгээний хүрээлэнгийн тэргүүлэх ажилтан Ч.Чулуунжав, Хөдөлмөрийн гавьяаны улаан тугийн одонгоор Эдийн засаг, хөгжлийн асуудал эрхэлсэн дэд захирал Ж.Батчулуун, Алтан гадас одонгоор Агроэкологийн сургуулийн Газрын менежментийн тэнхимийн эрхлэгч Д.Түвшинбаяр, ахлах багш Р.Нямсүрэн, Мал аж ахуй, биотехнологийн сургуулийн ахлах багш Б.Сарантуяа, Суурь боловсролын төвийн ахлах багш О.Энхдэлгэр, Д.Алтанцэцэг нар тус тус шагнагдлаа. Хөдөлмөрөө үнэлүүлж, төрдөө хүндлэгдсэн эрдэмтэн багш нартаа сайн сайхныг ерөөе.