БНСУ-ын Жонбукийн их сургууль (Jeonbuk national university) болон Монгол Улсын Хөдөө аж ахуйн их сургуультай хамтран хэрэгжүүлдэг 2+2 хос хөтөлбөрийн элсэлт зарлалаа. 

Тавигдах шаардлага:

• ХААИС-ийн бакалаврын 3 дугаар ангийн оюутан байх 
• Голч оноо 2.75 буюу түүнээс дээш байх
• Солонгос хэлний TOPIK 4 ба түүнээс дээш түвшинтэй байх 
• ХААИС-д 65-70 кредит амжилттай үзэж судалсан байх 

Бүрдүүлэх материал: *Монгол хэл дээрх бүх материалыг англи эсвэл солонгос хэлний орчуулгын хамт өгөх шаардлагатай. Сурах төлөвлөгөөг зөвхөн солонгос хэл дээр гараар бичсэн байна.

1. Өргөдлийн материал (ГХТА-ны international@muls.edu.mn хаягт хүсэлт илгээж өргөдлийн маягт авна. Өргөдлийн маягтыг солонгос эсвэл англи хэл дээр бөглөнө)
2. Сурах төлөвлөгөө (Солонгос хэлээр гараар бичсэн байх)
3. Тодорхойлох захидал (Анги удирдсан багш эсвэл мэргэжлийн хичээлийн багшаар англи хэлээр бичүүлж, гарын үсэг зуруулсан байна)
4. Сургуулийн тодорхойлолт (Солонгос хэлээр орчуулж, баталгаажуулсан байна)
5. Сургуульд элссэн батламж (Солонгос хэлээр орчуулж, баталгаажуулсан байх) 
6. Дүнгийн тодорхойлолт (Солонгос хэлээр орчуулж, баталгаажуулсан байна)
7. Солонгос хэлний TOPIK шалгалтын сертификат (4 дүгээр түвшин)
8. Гадаад паспортын хуулбар
9. Бүрэн дунд боловсролын батламж (Солонгос хэлээр орчуулж, апостиль авсан байна)
10. 3.5x4.5 хэмжээтэй цээж зураг 2 хувь

Тэтгэлэг:

• Шалгаруулалтад тэнцсэн 5 оюутныг сургалтын төлбөр болон байрны төлбөрөөс чөлөөлнө. 
• Оюутны тоо 5-аас илүү байх тохиолдолд бичиг баримтын бүрдүүлэлтэд үндэслэн хамгийн сайн дүнтэй эхний 5 оюутныг сонгоно. 5 оюутны тоонд багтаагүй бол сургалтын төлбөр болох 1.991.000-2.670.500 вон (1 семистрт)-ыг Жонбук ҮИС-д төлөх үүрэгтэй. 
• Тэтгэлэгт хамрагдсан оюутан сургуулиа төгсөлгүй гарах тохиолдолд сургалтын төлбөрөө буцаан (Байгалийн болон давагдашгүй хүчин зүйлээс бусад тохиолдолд) төлнө. 

Өргөдлийн материал хүлээн авах хугацаа: 2024 оны 11 дүгээр сарын 15-ны өдрийг хүртэл хүлээн авна. 

Бүрдүүлэх материал болон дэлгэрэнгүй мэдээллийг ХААИС-ийн Захиргааны байрны 25 тоотоос авах буюу international@muls.edu.mn хаягт хандан имэйлээр авч болно.