Солонгосын нийслэл Сөүл хотод байрладаг 118 жилийн түүхтэй Донгүк их сургууль (Dongguk university)-ийн зуны хөтөлбөрийн бүртгэл эхэллээ. 

Хөтөлбөрийн агуулга: Солонгос болон олон улсын оюутнууд зуны амралтаараа Донгүк их сургуулиас хэрэгжүүлж буй кино-хэвлэл мэдээлэл, хэл-соёл, бизнес-инженерчлэл, хүмүүнлэг- нийгмийн шинжлэх ухааны чиглэлээрх хөтөлбөрт хамрагдах боломжтой юм. Мөн энэхүү хөтөлбөрт танхимын сургалтаас гадна Солонгос улсын түүх, нийгмийн хөгжилтэй танилцах тусгай аяллууд багтсан.

Сургалтын хөтөлбөр:

• Кино-хэвлэл мэдээлэл (Film and Media)
• Солонгос хэл-соёл (Korean Language and Culture)
• Бизнес-инженерчлэл (Business and Engineering)
• Буддизм-бясалгал (Buddhism and Meditation)

Хөтөлбөр эхлэх, дуусах хугацаа:

        - I хэсэг: 2025 оны 06 дугаар сарын 21-ээс 07 дугаар сарын 05

        - II хэсэг: 2025 оны 07 дугаар сарын 06-аас 07 дугаар сарын 19 

Төлбөр: Бүртгэлийн хураамж: 100,000 вон

                Сургалтын төлбөр: 1,200,000 вон

                Эрүүл мэндийн даатгал: 15,000 вон

Дотуур байрны төлбөр:

Тэтгэлэг: Хамтын ажиллагаатай их сургуулийн оюутны сургалтын төлбөрийг 50 хувь хөнгөлнө.

Бүрдүүлэх материал:

• Гадаад паспортын хуулбар
• Сургуулийн тодорхойлолт
• Дүнгийн тодорхойлолт

Сургалтын төлбөрийг бүрэн шилжүүлсний дараа элссэнд тооцно.

Бүртгэл: Бүртгүүлэх хүсэлтийг 2025 оны 05 дугаар сарын 20-ны 17 цаг хүртэл ХААИС-ийн Захиргааны байрны 205 тоот, Гадаад харилцаа, түншлэлийн албанд хүлээн авна. Хөтөлбөрийн дэлгэрэнгүй мэдээллийг international@muls.edu.mn-хаягаар лавлана уу.

Гадаад харилцаа, түншлэлийн алба