“Инженер, технологийн дээд боловсрол” (ИТДБ) төслийн Хөдөө аж ахуйн их сургуулийн Ажлын хэсгийн гишүүд болон Хамтарсан судалгааны багуудын Япон улсад ажилласан албан томилолтын 2024 оны 11 дүгээр сарын 07-ны өдөр ХААИС-ийн ректор Б.Баасансүх, Эрдэм шинжилгээ, инновацын газрын Судалгаа, инновацын албаны дарга Б.Баярмаа, мэргэжилтэн А.Энхзаяа, МЭС-ийн зөвлөх профессор А.Гомбожав нар Цүкүба их сургуульд ажиллаж, тус сургуулийн дэд ерөнхийлөгч, хамтарсан судалгаа хариуцсан гүйцэтгэх захирал, профессор Nакаuchi Yasushi тэргүүтэй сургуулийн удирдлага, профессор багш нартай хамтарсан уулзалт зохион байгууллаа.

Уулзалтын үеэр дэд ерөнхийлөгч профессор Nакаuchi Yasushi сургууль болон хамтарсан судалгаа, аж үйлдвэртэй хамтран ажиллаж буй туршлага зэргээс танилцуулав. Үүний дараа ХААИС-ийн ректор, профессор Б.Баасансүх өөрийн сургуулийн талаар танилцуулаад ИТДБ төслийн хүрээнд хэрэгжиж буй "Их сургууль, аж үйлдвэрийн хамтын ажиллагааны чадавхыг хөгжүүлэх" (Capacity Improvement of University-Industry Cooperation) дэд төслийн хүрээнд хамтран ажиллах талаар санал солилцов.

ХААИС-ийн Агроэкологийн сургуулийн Экосистемийн судалгааны төв нь 2019 оноос хамтын ажиллагааны гэрээ байгуулан Цүкүба их сургуулийн ХАА, Хүрээлэн буй орчны сургуультай хамтарсан судалгааны ажлыг амжилттай гүйцэтгэж байна.

Цүкүба их сургуулийн ХАА, Хүрээлэн буй орчны сургуулийн дэргэдэх Цүкүба-Ургамал инновацын төвийн захирал, доктор Naoya Fukuda төвийн бүтэц, үйл ажиллагаа, технологи дамжуулалт, аж үйлдвэртэй хамтран ажиллаж буй туршлагаасаа хуваалцаж, ХААИС-тай хамтран ажиллахад бэлэн буйгаа илэрхийлэв.

Цүкүба их сургуулийн ХАА, Хүрээлэн буй орчны сургуулийн дэргэдэх Цүкүба-Ургамал инновацын төв

Цүкүба их сургуулийн ХАА, Хүрээлэн буй орчны сургуулийн дэргэдэх Цүкүба-Ургамал инновацын төв

Цүкүба их сургуулийн ХАА, Хүрээлэн буй орчны сургуулийн дэргэдэх Цүкүба-Ургамал инновацын төв