ГАЗРЫН ҮНЭЛГЭЭ

“Газар бол төрийн үндэс юм.”

Газар болон үл хөдлөх хөрөнгийн үнэлгээг хийх, хөдөө аж ахуйн газрын чанарын үнэлгээ, газрын экологи эдийн засгийн үнэлгээг хийх, үл хөдлөх хөрөнгийн зах зээлийн системийг боловсронгуй болгох, газрын суурь үнийн бүсийг тогтоох, газрын төлбөр, татварыг ноогдуулах ур чадварыг эзэмшүүлэхэд чиглэгдэнэ.

МЭРГЭЖЛИЙН УР ЧАДВАР

• Газрын чанарын ба эдийн засгийн үнэлгээ, хийх аргазүй эзэмшиж суурь материалыг ашиглан татвар ноогдуулах,
• Газрын эрхзүйн зохицуулалтыг аргуудыг сурах, эрхзүйн хэм хэмжээнд дүн шинжилгээ хийх, тэдгээрийг хэрэглэх,
• Аж ахуйн нэгж байгууллагын баримт бүрдүүлэх, бүртгэл тайлан гаргах, Аж ахуйн нэгж байгууллагын тайлан баланстай танилцаж, мэдээллийг боловсруулах, тайлан гаргах, дүн шинжилгээ хийх,
• Хөдөө аж ахуйн газарт чанарын болон эдийн засгийн үнэлгээ хийх, газрын хохирлын үнэлгээг тооцох,
• Газарзүйн мэдээллийн системийн технологийг ашиглан оронзайн өгөгдлийг тоон хэлбэрт оруулах, боловсруулах, шинжилгээ хийх, хэрэглээ үүсгэх, газрын нөөцийн ба газрын бүртгэлийн мэдээллийн сан байгуулах, удирдах, зохион байгуулах чадвартай байх,
• Газрын доройтол, элэгдэл эвдрэлийг зэргийг тогтоох, нөхөн сэргээх арга хэмжээг төлөвлөх, мониторингийн сүлжээ байгуулах,
• Хот суурин газарт кадастрын үнэлгээ хийх, Хот суурин газарт чанарын болон эдийн засгийн үнэлгээ хийх

АЖЛЫН БАЙРНЫ ЧИГЛЭЛ, АЛБАН ТУШААЛ

Газар зохион байгуулагч мэргэжил эзэмшсэнээр төрийн байгууллагад газрын хуулийг хэрэгжүүлэх, газрын зөрчил маргаанийг шийдвэрлэх, төлөвлөлтийн дагуу газар олгох, хуваарьлах, хамгаалах үйл ажиллагааг зохион байгуулна.

Нийслэл, аймгийн Газрын албанд газрын үнэлгээ, төлбөр хариуцсан  мэргэжилтэн

• Үл хөдлөх хөрөнгийн үнэлгээ болон байгаль орчинд нөлөөлөх байдлын үнэлгээ хийх мэргэжлийн байгууллагуудад үнэлгээчин
• Банк, санхүүгийн байгууллагад үнэлгээчин
• Үл хөдлөх эд хөрөнгийн зуучын газар мэргэжилтэн
• Үл хөдлөх эд хөрөнгийн улсын бүртгэлийн газар мэргэжилтэн
• Байгаль орчны үнэлгээний компанид мэргэжилтэн

МЭРГЭЖЛИЙН ЭРЭЛТ ХЭРЭГЦЭЭ, ИРЭЭДҮЙН ЧИГ ХАНДЛАГА

Газар нь эдийн засгийн гол нөөц бөгөөд хязгаарлагдмал бөгөөд дахин давтагдашгүй онцлогтой билээ. Газрыг үнэлэх асуудал нь хүн төрөлхтөний бүхий л цаг үед хамгийн чухал байсан бөгөөд Монгол орны хувьд 1992 оны үндсэн хуулиар газрыг төлбөртэйгөөр ашиглах, газар үл хөдлөх хөрөнгийг үнэлэх, газрын төлбөр татварын системийг бүрдүүлэх мэдлэг ур чадвар бүхий хүний нөөцийг бүрдүүлэх хэрэгцээ шаардлага Монгол улсад төдийгүй олон улсад өсөн нэмэгдэж байна.

Элсэлтийн ерөнхий шалгалт өгөх хичээл: МАТЕМАТИК, ГАЗАРЗҮЙ, ГАДААД ХЭЛ