ХӨДӨӨ АЖ АХУЙН БҮТЭЭГДЭХҮҮНИЙ ХИМИ ТЕХНОЛОГИ

 “ХАА-н бүтээгдэхүүний хими технолгич нь хөрвөх чадвартай химич, шинжээч, технологич юм”

ХАА-н бүтээгдэхүүний хими технологич нь ХАА-н гаралтай түүхий эд (мах, сүү, арьс шир, ноос ноолуур, ургамал, үр тариа гэх мэт)-ийг боловсруулж чанар, аюулгүй байдлыг хангасан бүтээгдэхүүн гаргах үйлдвэрлэл явуулах, ХАА-н болон бусад төрлийн үйлдвэрлэлд гарч байгаа дайвар, хаягдал бүтээгдэхүүнийг хими болон биотехнологийн аргаар боловсруулах замаар шинэ бүтээгдэхүүн гарган авах, байгаль орчинд ээлтэй технологийг нэвтрүүлэх чадвартай мэргэжилтэн болно.

МЭРГЭЖЛИЙН УР ЧАДВАР

• Хагас болон бүрэн боловсруулсан бүтээгдэхүүн үйлдвэрлэх технологийн процессыг хянах, тохируулах, шинжлэх
• ХАА-н гаралтай түүхий эд, бүтээгдэхүүнд химийн болон микробиологийн шинжилгээ хийх
• ХАА-н гаралтай түүхий эдийг химийн болон биотехнологийн аргаар боловсруулж, бүтээгдэхүүн гарган авч үйлдвэрлэл явуулах, төсөл боловсруулах
• Амьтан ба ургамлын гаралтай түүхий эдийн чанарыг үнэлэх, боловсруулах, бүтээгдэхүүний чанарыг шалгах 
• Гадаад хэлээр мэргэжлийн чиглэлийн мэдээллийг бүрэн ашиглаж чаддаг байхын зэрэгцээ тодорхой хүрээнд өөрийн ажлаа уг хэл дээр танилцуулах

АЖЛЫН БАЙРНЫ ЧИГЛЭЛ, АЛБАН ТУШААЛ

• Хүнсний болон хөнгөн үйлвэрт технологич, химич: Талх чихэр”, “АПУ”, “Сүү” ХК, “Мах импекс”, “Говь”, “Дархан нэхий” зэрэг ХАА-н гаралтай түүхий эд боловсруулдаг үйлдвэрүүдэд технологич, инженер, химич шинжээч, чанар шалгагч
• Мэргэжлийн хяналтын алба болон хил гааль, орон нутгийн стандарт хэмжилзүйн газрын химийн лабораторт байцаагч химич, шинжээч мэргэжилтэн, төрийн албан хаагч
• Эрдэм шинжилгээний байгууллага, их дээд сургуульд судлаач, багш

МЭРГЭЖЛИЙН ЭРЭЛТ ХЭРЭГЦЭЭ, ИРЭЭДҮЙН ЧИГ ХАНДЛАГА

Улс эх орны тусгаар тогтнол аюулгүй байдлын хамгийн чухал зүйл бол хүнсний аюулгүй байдал, хөнгөн үйлдвэрийн бүтээгдэхүүний хараат бус байх явдал юм. Монгол улс экологийн цэвэр түүхий эдийг эрүүл мэнд, байгаль орчинд халгүй технологиор боловсруулан үйлдвэрлэж эдийн засгаа солонгоруулах шаардлага гарч байгаа учир химич технологич мэргэжилтний хэрэгцээ шаардлага улам ихсэх болно.

Элсэлтий ерөнхий шалгалт өгөх хичээл:  ХИМИ,  БИОЛОГИ,  МАТЕМАТИК