ХААИС-ийн удирдлага БНХАУ-ын “Tersus GNSS” компани болон тус компанийн Монгол дахь албан ёсны дистрибьютер “Номин мэнд эрдэнэ” ХХК-ийн төлөөлөгчдийг хүлээн авч уулзлаа.

Уулзалтаар Агроэкологийн сургуулийн Газрын менежментийн тэнхмийн Геодезийн хөтөлбөрийн оюутнуудын мэргэжлийн ур чадварыг дээшлүүлэн дадлагажуулах, сургалтын материаллаг баазыг бэхжүүлэх зорилгоор орчин үеийн

1. Байнгын ажиллагаатай суурин станц (CORS) - 21.6 сая төгрөг
2. GNSS-ийн хүлээн авагч (Luka – TAP Rover with TC80 /set/) – 11.7 сая төгрөгийн хиймэл дагуулын системийн дэвшилтэт технологи бүхий нийт 33.3 сая төгрөгийн үнэ бүхий багаж, тоног төхөөрөмжийг бэлэглэв.

“Tersus GNSS” компани ХААИС-тай шинжлэх ухаан, техник технологи, сургалт, судалгааны чиглэлээр хамтын ажиллагааны гэрээ байгуулах талаар харилцан тохиролцлоо.