ХААИС болон Польш улсын Повисланскийн Хэрэглээний шинжлэх ухааны академитай байгуулсан хамтын ажиллагааны хүрээнд Erasmus+ хөтөлбөрийн тэтгэлэгт оюутан солилцооны хөтөлбөрт хамрагдахыг урьж байна. ХААИС-ийн хамтрагч сургууль болох Повисланскийн Хэрэглээний шинжлэх ухааны академи нь Польш Улсын Гданьск хотод байрладаг бөгөөд тус хөтөлбөрийн хүрээнд 2027 оны хаврын улиралд оюутан хүлээн авна.

ХӨТӨЛБӨРИЙН ХУГАЦАА

2027 оны 2 дугаар сараас 6 дугаар сар хүртэл (3–4 сар)

ХАМРАГДАХ МЭРГЭЖЛИЙН ЧИГЛЭЛ

1. Эдийн засгийн чиглэл

• Эдийн засаг
• Бизнес
• Менежмент
• Эдийн засагтай холбоотой бусад мэргэжил

ТАВИГДАХ ШААРДЛАГА

Өргөдөл гаргагч нь:

• CGPA 3.49 буюу түүнээс дээш голч дүнтэй байх;
• Англи хэлний B2 түвшинтэй, харилцааны чадвартай байх;
• Сургуульдаа 2 улирал суралцсан байх;
• Бакалаврын түвшний оюутан байх;
• Хөтөлбөрт хамрагдах зорилгоо тодорхой илэрхийлсэн байх;
• Эрдэм шинжилгээ, судалгаа болон оюутны зохион байгуулсан сайн дурын үйл ажиллагаанд оролцсон бол давуу тал болно.

Анхаарах: Өмнө нь Erasmus+ хөтөлбөрт хамрагдаж байгаагүй, анх удаа өргөдөл гаргаж буй оюутанд давуу эрх олгоно.

ОЮУТАНД ОЛГОХ БОЛОМЖ, ДЭМЖЛЭГ

Erasmus+ хөтөлбөрийн хүрээнд:

• Erasmus+ тэтгэлэг
• Сургалтын төлбөрөөс чөлөөлөгдөх
• Суралцсан кредитийг эх сургуульдаа хүлээн зөвшөөрүүлэх боломж
• Олон улсын академик болон мэргэжлийн харилцаа, сүлжээгээ өргөжүүлэх
• Польш Улсад суралцаж, соёл, боловсролын орчинтой танилцах
• Сард дунджаар 800 евро орчим тэтгэлэг

БҮРДҮҮЛЭХ МАТЕРИАЛЫН ЖАГСААЛТ

1. Сургуулийн тодорхойлолт (Англи хэлээр баталгаат орчуулга хийлгэсэн байх)
2. Албан ёсны дүнгийн хуулбар (Англи хэлээр баталгаат орчуулга хийлгэсэн байх)
3. Гадаад паспортын хуулбар (тэгш, гаднын биет ороогүй, сүүдэрлээгүй, тод байх)
4. JPG формат дээр цээж зураг (цагаан дэвсгэртэй)
5. Өөрийн танилцуулга
6. Суралцах төлөвлөгөө
7. Англи хэлний түвшинг батлах гэрчилгээ хавсаргах

ӨРГӨДӨЛ ХҮЛЭЭН АВАХ АЛХАМ БОЛОН МАТЕРИАЛ ХҮЛЭЭН АВАХ ЭЦСИЙН ХУГАЦАА:

1. Алхам 1: Оюутан солилцооны хөтөлбөрт өргөдөл гаргахыг хүсвэл international@muls.edu.mn хаягаар (овог нэр, сургууль, мэргэжил, оюутны мэйл хаяг, утасны дугаар)-аа 2026 оны 11 дүгээр сарын 15-аас өмнө ирүүлнэ үү.
2. Алхам 2: Бүрдүүлэх материалын 1-7 дугаарт заасан бичиг баримтыг хариуцсан мэргэжилтэн (Захиргааны байрны-108 тоот)-д эх хувиар ирүүлнэ.
3. Алхам 3: Бүх материалаа нэг багц pdf өргөтгөлтэй файл болгон international@muls.edu.mn хаягт 2026 оны 11 дүгээр сарын 20-ны өдрийн 12:00 цагаас өмнө илгээнэ үү.
4. Алхам 4: Дээрх шаардлага хангаж, материал ирүүлсэн оюутнууд онлайн өргөдлийн маягтыг (https://forms.office.com/e/7QSWXKNdCu) 2026 оны 11 дүгээр сарын 25-аас өмнө бөглөнө.

Сонгон шалгаруулалтыг Польш улсын Повисланскийн Хэрэглээний шинжлэх ухааны академи хийж, тэнцсэн өргөдөл гаргагчийн нэрсийг ХААИС-д 2026 оны 12 дугаар сарын сүүлээр ирүүлнэ.

Гадаад хамтын ажиллагаа, түншлэлийн газар